شڤێدى 30 چه‌كدارێن داعش هاتینه كوشتن
ئه‌ڤرۆ نیۆز، قائید میرۆ
ژ ئه‌گه‌رێ هێرشا به‌رفره‌ها تیرۆرستێن داعش بۆسه‌ر ناحیا گوێڕ یا رۆژئاڤایێ باژێڕێ هه‌ولێرێ 30 چه‌كدارێن داعش شڤێدى هاتینه كوشتن.
ژێدره‌كی ژ هێزێن پێشمه‌رگه‌ی بۆ مالپه‌ڕێ ئه‌ڤرۆ نیۆز دیاركر، شه‌ڤا بۆری تیرۆرستێن داعش ل چوار لایان ڤه هێرش كریه سه‌ر هێزێن پێشمه‌رگه‌ی ل سنورێ ناحیا گوێڕ و پشتی شه‌ڕه‌كێ دژوار پێشمه‌رگه شیا هێرشا داعش بشكێنیت و زیانێن مه‌زن گه‌هاندینه تیرۆرستان.
ژێده‌ری گۆتژی” ل گوره‌ی زانیاریێن مه 30 چه‌كدارێن داعش د هێرشا شه‌ڤا بۆری دا هاتینه كوشتن و فڕۆكه‌یێن هه‌ڤپه‌یمانان ژی گورزێن كوژه‌ك لێداینه.
ئه‌ڤی ژێده‌رێ پێشمه‌رگه‌ی ئه‌ویه‌ك ژی خویاكر، زیانێن هێزێن پێشمه‌رگه‌ی ژی شه‌هیدبوونا پێشمه‌رگه‌یه‌كی یه و برینداربوونا پێنجێن پێشمه‌رگێن دی.
