شڤێدی کاروانێ ئێکێ یێ حەجیێن ھەرێمێ ڤەگەریان
ئەڤرۆ نيوز:
بەرپرسەکێ وەزارەتا ئەوقافێ ژڤانێ زڤڕینا کاروانێ ئێکێ یێ حەجیێن ھەرێما کوردستانێ بۆ ناڤ ئاخا کوردستانێ ئاشکرا کر.
مەریوان نەقشەبەندی، رێڤەبەرێ پەیوەندی و پێکڤە ژیانێ ل وەزارەتا ئەوقافێ و کاروبارێن ئایینی یا حوکمەتا ھەرێما کوردستانێ د لاپەرێ خوەیێ تایبەت دا ل سەر تورا جڤاکە یا فەیسبووکێ راگەھاند، کو وەکو سەرپەرشتێ تیما راگەھاندنێ و پەیوەندیێن وەزارەتا ئەوقافێ کارێ خوە ل سعودیێ ب دووماھیک ئینا و دێ زڤریتە باژێرێ ھەولێرێ.
رێڤەبەرێ پەیوەندی و پێگڤە ژیانێ ل وەزارەتا ئەوقافێ و کاروبارێن ئایینی دیار کر ژی کو دوھی ب شەڤ رۆژا شەمبی 17 ئەیلولا 2016 ئێکەم کاروانێ حەجیێن کوردستانێ زڤرینە وەلاتی.
زێدەتر گۆت: “ئەڤ سالە سێ ھزار و 656 وەلاتیێن ھەرێما کوردستانێ سەرەدانا باژێرێ مەککە کریە ب مەرەما ئەداکرنا فەریزا حەجێ، ھەروەسا ئەڤ سالە ل وەختێ ئەنجامدانا مەراسیمێن حەجێ، سێ حەجیان ژی گیانێ خوە ژ دەست دا، ئێک ئاکنجیێ پارێزگەھا ھەولێرێ یە و یێ دی ژی یێ پارێزگەھا دھۆکێ یە و یێ سیێ ژی خەلکێ کەلارە سەر ب دەڤەرا گەرمیانە.