شۆڕه‌شا ئیلۆنێ ل دهۆكێ دێ هێته ساخكرن
ئه‌ڤرۆ نيوز، حه‌مۆ محه‌مه‌د:
هه‌یئا گشتی یا رێكخستنا پێشمه‌رگه‌ی ب هه‌ڤكاری ل گه‌ل سه‌نته‌رێ پێشمه‌رگه یێ ره‌وشه‌نبیری؛ دێ سالڤه‌گه‌ڕا شۆڕه‌شا ئیلۆنا مه‌زن ل ژێر درووشمێ (ئه‌یلۆل .. شۆڕه‌شا ڤه‌ژاندنا نه‌ته‌وه‌یه‌كێ) ل دهۆكێ ب چه‌ند چالاكیان ساخ كه‌ت.
دلدار محه‌مه‌د ژ راگه‌هاندنا سه‌نته‌رێ پێشمه‌رگه یێ ره‌وشه‌نبیری بۆ ئه‌ڤرۆ نیۆز دیار كر، هه‌یئا گشتی یا رێكخستنا پێشمه‌رگه‌ی ب هه‌ڤكاری ل گه‌ل سه‌نته‌رێ پێشمه‌رگه یێ ره‌وشه‌نبیری؛ سوبه‌هی 11/9/2019 دێ هه‌لكه‌فتا سالڤه‌گه‌ڕا شۆڕه‌شا ئیلۆنا مه‌زن ساخ كه‌ت و گۆت: “چالاكی ل ده‌مژمێر 5:00 ئێڤاری ل باره‌گایێ سه‌نته‌رێ پێشمه‌رگه یێ ره‌وشه‌نبیری هێته ئه‌نجامدان”.
دلداری خویا ژی كر، د ڤێ چالاكیێ دا دێ سمیناره‌ك بناڤێ (دیرۆك و گرنگیا شۆڕه‌شا ئه‌یلۆلێ) بۆ (د. خه‌لیل مسته‌فا) هێته ئه‌نجامدان، پاشی كۆره‌كێ هه‌لبه‌ستخواندنێ بۆ هه‌لبه‌ستڤانان (د به‌درخان سندی، محسن قوچان و رزگار كێسته‌ی) هێته ئه‌نجامدان.