شیرەتکارەکێ ترەمپی ماوێ رووخاندنا رژێما ئیرانێ راد‌گه‌هینیت
ئەڤرۆ نیوز ، زنار تۆڤی:
شیرەتکارەکێ قانوونی یێ سه‌رۆكێ ئه‌مریكا، رادگەهینیت کو دووماهیا رژێما ئیرانێ نێزیك بوویە و ماوێ سالەکێ زێدەتر تێناپه‌رینیت.
رۆدی جۆلیان شیرەتکارێ قانوونی یێ دۆنالد ترەمپی سەرۆکێ ئەمریکا، د لێدوانەکێدا گوتیە: دێ راستگۆبین هەکە مە گوت، دووماهیا رژێما ئیرانێ یا نێزیکە و رووخاندنا رژێما ئیرانێ ژ ماوێ سالەکێ زێدەتر ناڤەکێشیت.
رۆدی جۆلیانی د کۆنگرەکێ جڤاتا ئاسایشا نیشتمانی بۆ بەرهنگارێن ئیرانێ ب سەرکرداتیا رێکخراوا موجاهدینی خەلق كو رێكخراوەکا دژی رژێما كۆماریا ئیسلامی یا ئیرانێ یە گوتیە: سەرکووتکرن و تووندوتیژیا ل دژی خۆپیشاندەرێن ئیرانێ و بلندبوونا هژمارا کوشتیان ، جەخت ل هندێ دکەت کو ئازادی یا نێزیکە، بێگومان دڤێت ئەڤ رژێمە هەر برووخیت.
هه‌روه‌سا گوتیە:یا نێزیکبوو ئەڤ رووخاندنە ل سالا 2009 روو بدەت، بەلێ حوکمەتا ئەمریکا ل وی دەمی پالپشتی ل نەرازیبوونێن وی سه‌رده‌می نەکر، ئەڤە ژی سەرشۆرییە بۆ وی حوکمەتێ، بەلێ سەرۆکێ نوکە یێ ئەمریکا، پالپشتیێ ل خۆپیشاندەرێن ئیرانێ دکەت.
