شێخ جه‌عفه‌ر: حوكمه‌تا عيراقێ نه‌شێت من ده‌سته‌سه‌ر بكه‌ت
ئه‌ڤرۆنيۆز:
دو فرۆكێن هه‌ليكۆپته‌ر كو ناهێته زانين فرۆكێن عيراقى بوون يان نه، ل گوندێ(شێخ مسته‌فا) ل سنورێ پارێزگه‌ها سلێمانيێ دادان، كو شێخ جه‌عفه‌ر مسته‌فا فه‌رماندێ يه‌كه‌يا 70 يا هێزێن پێشمه‌رگه‌ى حه‌فتيانه پشكه‌ك ژده‌مێ خوه دناڤ كوسوكارێن خوه‌دا ل وى گوندى دبۆرينيت.
شێخ جه‌عفه‌ر شێخ مسته‌فا فه‌رماندێ يه‌كه‌يا 70 يا هێزێن پێشمه‌رگه‌ى دداخۆيانيه‌كێ دا بۆ باسنيۆز ئه‌و پێزانين پشتراستكر وراگه‌هاند، راسته دو هه‌ليكۆپتر هاتنه گوندێ مه.
شێخ جه‌عفه‌ر، ئه‌و ده‌نگوباس ره‌تكرن كو به‌حس ل وێ چه‌ندێ دكه‌ن كو ئه‌و هه‌ردو هه‌ليكۆپته‌ره بۆ ده‌سته‌سه‌ركرنا وى هاتبوون وگۆت، ئه‌و دونگوباسێن به‌حس دكه‌ن كو بۆ ده‌سته‌سه‌ركرنا من هاتبوون، چو بنه‌مايه‌ك بۆ نينه.
گۆت ژى، ئه‌ز چو گومانا ژ خوه نابه‌م تاكو ب هه‌ليكۆپته‌ران بهێن من ده‌سته‌سه‌ربكه‌ن، له‌وما ئه‌و جۆره ده‌نگوباسه چو راستى بۆ نينن.
ناڤبرى دووپاتى ل سه‌ر وێ چه‌ندێ كر كو حوكمه‌تا عيراقێ نه‌شێت من ده‌سته‌سه‌ربكه‌ت وگۆت، به‌غدا ئه‌و ده‌ستهه‌لات نينه ب هه‌ليكۆپته‌رێ من ده‌سته‌سه‌ربكه‌ت، دده‌مه‌كى دا من چو تاوان نه‌كربن.
