شێخ شامۆ: رێژا 80% دەنگێن ئێزدیان بۆ پارتی نە
ئه‌ڤرۆ نيوز:
سەرۆکێ دەستەیا بلندا بنگەھی لالش یێ رەوشەنبیری وجڤاکی ل پارێزگەھا دھۆکێ دیارکر، ئێزدیان بەدیلی پارتی دیموکراتی کوردستان ولیستا پارتی لیستا 183 نینە، رێژا 80% ئێزدی دگەل پارتی نە”.
شێخ شامو سەرۆکێ دەستەیا بلندا بنگەھی لالش یێ رەوشەنبیری وکومەلایەتی ل پارێزگەھا دھۆکێ بۆ ئەڤرۆ دیارکر، بۆ ھەلبژارتنێن پەرلەمانێ کوردستانێ یا خولا پێنجێ ژی ئێزدیان بەربژارێن خوە ل سەر لیستا پارتی لیستا 183ی ھەیە، دەڤەرێن ئێزدیان ورێکخستن وقوربانیدان و سیاسەتا ئێزدیان یا ناڤا کوردستانێ ھەموو ل گەل پارتی دیموکراتی کوردستان بوویە، ئەم ل گەل پارتی نە وھەکە ئەم مەغدور ژی بن ئەم مەغدوریا خوە ژ پارتی دخوازن، چونکو 80% ئێزدی ل گەل پارتی نە مە دڤیت ئەم پینگاڤەکێ پێشڤەبچین ومەغدوریا خوە بخوازین، چونکو ئەم دلگرانین نەکو بھێت ودەنگێن ئێزدیان تیرا کورسیکەکا پەرلەمانێ کوردستانێ نەکەن، نەکو ئەم بێ بەھربین ژ پەرلەمانێ کوردستانێ زیانا مەزن راستە دگەھتە ھەموو لایەیان.
ناڤبری ھەروەسا ئاشکرا کر، لێ زیانا پتر دگەھتە پارتی دیسا ژ مە دھێتە خواستن ئەم وژدانا خوە رازی بکەین، دەرھەقی بەربژارا خوە، ئێزدی و ئاخا وقوربانیا خوە ئەم دیسا بێدەنگ نەبن بچنە سەر سەندوقێن دەنگدانی ھەر تشتەکێ ھەیی رادەستی سەندۆقێن دەنگدانی بکەین، بۆ لیستا 183 ھەکە دەنگێن مە تیرا کورسیکا ئێزدیان نەکەن، ل وێ دەمێ گازندا مە ژ پارتی یە یان پێدڤیە بھێتە تەمامکرن ئەم بێ ژ پەرلەمانێ کوردستانێ بەھر نەبن، دچار سالێن بۆرێدا بابەتێ جینوسایدکرنا ئێزدیان بابەتەکێ گەرمە ئەم ھاتینە جینوسایدکرن، ھەر شاندەکێ بھێتە ھەرێما کوردستانێ پسیارا ئێزدیان دکەت، ودەمێ ئەم شاند دھێنە پەرلەمانێ و ئێزدی تێدا نەبن ھینگێ بۆ ڤێ پرۆسا دیموگراسی یا خەلکێ ناسکری ل کوردستانێ باش نینە، بۆ ئێزدیان ژی تشتەکی خرابە.
شێخ شامو ئەوژی خوەیاکر، خەلکێ ئێزدی خەمساری نەکریە وناکەن ژی، پارتا مە بزاڤکرن مە کوتا ھەبیت لێ پارتێن کوردستانی رازی نەبوون بتنی پارتی دیموکراتی کوردستان پشتەڤانی ل ئیزدیان دکر، لایەنێن دێ ئاشکرا دبیژن ھەکە کوتایێ بدەینە ئێزدیان، ئانکو مە کوتا دا پارتی ئەڤە دوی دەمی دا چارەسەر بیت، ھەکە پارتی پتریا کورسیکان دەستڤەئینان ئەم ژی دێ شین ڤی بابەتی چارە کەین.
