شەش ھزار پەککەفتیێن دھۆکێ د ڕەوشەکا خراب دانە
ئەڤرۆ نيوز:
سەرۆکێ کۆمەلا ژین یا پەککەفتیێن دەست و پێیان ل دھۆکێ دیار کر، ڕەوشا ئابووری یا پتری شەش ھزار پەککەفتیێن دھۆکێ یا نەباشە.
نسرەددین بۆتی، سەرۆکێ کۆمەلا ژین یا پەککەفتیێن دەست و پێیان ل دھۆکێ ئاشکرا کر، نوکە حوکمەتا ھەرێمێ و رێکخراوێن بیانی ھاریکاریا پەککەفتیێن ئەندام د رێکخراوا وان دا ناکەن، لەوڕا ڕەوشا ژیانا وان گەھشتیە ئاستەکێ نزم.
بۆتی بۆ دواڕۆژ گۆت: “ل دووڤ قانوونێن حوکمەتا ھەرێما کوردستانێ، زورداریەکا مەزن ل پەککەفتیان ھاتیە کرن، ل گۆڕەی قانوونێ نابیت کەسەک ببیتە ئەندامێ کۆمەلا مە، ھەکە رێژا پەککەفتنا وی ژ 65% کێمتر بیت”.