شەڤا سەرێ سالێ 12 ھزار گەشتیار ل دھۆکێ بوون
ئەڤرۆ نيوز:
نادر روستی پەیڤدارێ دەستەیا گەشت و گوزارێ ل ھەرێما کوردستانێ ئاشکراکر, کو ل ھەرێما کوردستانێ رۆژ بۆ رۆژێ رێَژا گەشتیاران یا بەر ب زێدەبوونێ دچیت تایبەت ل سالا 2016 ێ، ملیون و 600 ھزار گەشتیاران سەرەدانا جھێن گوزاری کریە، دیسا ل سالا 2017 ھەتا ھەیڤا ئیلونێ پتر ژ دو ملیون گەشتیارا سەرەدانا کوردستانێ کریە و ئەڤە بتنآ ل (9) ھەیڤان بووری بوویە، ئەڤە وێ چەندێ دگەھینت کو کەرتێ گەشت و گوزاری ل کوردستانێ بەر ب پێشڤەچوونەکا مەزن دچیت.
نادر روستی گۆتژی: روودانێن 16 ی ئکتوبەرێ کاریگەریەکا مەزن و خراب ھەبوو ل سەر کەرتێ گەشت و گوزارێ، رێ ل ھاتنا گەشتیاران گرت ژبەرکو پتری یا گەشتیارێن ھەرێما کوردستانێ ل پارێزگەھێن ناڤەراستا عیراقێ بوون.
روستی ئەو ژی گۆت: ژبەر گرتنا دەرگەھێن سنوری و دیسا فرۆکخانێن کوردستانێ ومەترسیا ئێمناھیێ ل سەر سنورێن کوردستانێ چ گەشتیار نەشیاینە بھێنە کوردستانێ ل چار مەھێن دووماھی یا سالا 2017 ئەڤێ چەندێ ژی زیان ب کەرتێ گەشت و گوزاری گەھاندیە ل کوردستانێ.
روستی گۆتژی: پشتی مە پلانەکا ھوور دانای کومبوون ل گەل ھەژمارەکا کومپانیێن گەشتیاری ئەنجامداین ل بەغدا و ل مسرێ ل ڤان روژێن بووری تایبەت ل بھێنەڤەدانێن سەرێ سالا 2018 ێ ھەژمارەکا مەزنا یا گەشتیاران سەرەدانا کوردستانێ کر، ئەڤە و پشتی ھاتینە پشت راستکرن کو نافخوە یا کوردستانێ یا ئارامە ب رێ یا پاسا و فروخانەیا ناڤبەرا (نەجەف و کەربەلا و بەسرا) ھەژمارەکا ئێکجار مەزن یا گەشتیار سەرەدانا کوردستانێ کر کو ھەژمارا وان پتر بوو ژ سەرێ سالا پار پرانیا گەشتباران ژی ل ناڤەراستا عیراقێ بوون کو سەرەدانا کوردستانێ کری ب ڤی رەنگی رۆژ بۆ روژێ کەرتێ گەشت و گوزاری ل کوردستانێ بەرەڤ پێش چوونەکا باش ب خوە ڤەدبینیت.
ھەڤدەم عوبەیدوللا داود رێڤەبەرێ گشتی یێ گەشت و گوزاری ل پارێزگەھا دھۆکێ بۆ رۆژناما ئەڤرۆ دیارکرکو سەرەرایێ سزایێن حوکمەتا عێراقی بۆ سەر ھەرێما کوردستانێ، داخستنا فروکخانێن ھەرێمێ، بتنێ بۆ شەڤا سەرێ سالێ دوازدە ھزار گەشتیاران سەردانا پارێزگەھا دھۆکێ کربوون.
رێڤەبەرێ گشتی یێ گەشت و گوزاری ل پارێزگەھا دھۆکێ ئەو ژی گۆت: ب رێژا 78% گەشتیارێن قەستا پارێزگەھا دھۆکێ کرین ب رێکا دەرگەھێ ئیبراھیم خەلیل ھاتبوون، چونکە فرۆکخانە داخستی بوون و دیسا رێکا مووسل ژی یا گرتیە، بۆ ماوێ چەند رۆژان ئەڤ گەشتیارە دێ ل دھۆکێ مینن، گۆتژی: لڤینەک کەفتیە کەرتێ گەشتیاری ل کوردستانێ و دیسا گەلەک دیمەنێن جوانێن گەشتیاری ھەنە وەک پشتەڤانی بۆ ڤی کەرتێ گرنگ ئەم نیشا گەشتیاران د دەین.
گۆتژی: شەڤا سەرێ سالێ پازدە ئاھەنگ ھاتبوونەکرن، ئەڤە ژی بۆ ئەگەرێ پتر سەرنج راکێشانا گەشتیاران، کارکرنا جھێن گەشتیاری ل دھۆکێ ب ھەفکاری ل گەل دەزگەھێن ئێمناھیێ پلانێن باش بۆ پاراستنا وەلاتیان ھاتبوونەدانان تایبەت ل جھێن ئاھەنگ ھاتینەدانان، دیسا کومەکا سترانبێژێن کورد و عەرەب پشکداری ئاھەنگا ب بوون.
