عامری و مالیکی ب “نھێنێ” رێککەفتن
ئه‌ڤرۆ نيو:
ب گوێرەيی راپۆرته‌کا رۆژناما عه‌كاز يا سعودى ئه‌ڤرۆ رۆژا شه‌مبى 4ى ته‌باخا 2018ێ به‌لاڤ بوويه، هادى عامرى، سه‌رۆكێ هه‌ڤپه‌يمانيا فه‌نح و نورى مالكى سه‌رۆكێ هه‌ڤپه‌يمانا قانوونێ، رێكه‌فتنه‌كا نهێنى بۆ چاوانيا به‌لاڤكرنا پۆستێن حكومى يێن داهاتى يێن عيراقێ كريه.
رۆژناما سعودى نڤيسيه: “مه زانيه د ناڤبه‌را مالكى و عامرى دا رێكه‌فتنه‌كا نهێنى هاتيه كرن بۆ وێ چه‌ندێ كو عامرى ببيته سه‌رۆكێ مه‌زنترين كوتلا په‌رله‌مانى و پشته‌ڤانيا كوتلا مالكى بكه‌ت بۆ وێ چه‌ندێ كو سه‌رۆكاتيا حوكمه‌تا بهێت يا عيراقێ وه‌ربگرن.
رۆژنامێ ئاماژه‌ب وێ چه‌ندێ ژى كريه كو ئه‌ڤ پێزانين ب دزى ڤه گه‌هشتينه ده‌ستێ وان د هه‌ڤده‌من ل گه‌ل وێ لێكتێگه‌هشتنا عه‌مار حه‌كيم سه‌رۆكێ ته‌ڤگه‌را حكمه و سه‌ليم جبۆرى سه‌رۆكێ جڤاتا نوونه‌ران يێ به‌رێ و سه‌ركرده د هه‌ڤپه‌يمانيا نشتيمانى دا كو دبێژيت: “دڤێت حوكمه‌ته‌ك بهێته دروست كرن شيانێن پێشكێشكرنا خزمه‌تگۆزارى و گه‌شه‌پێدانێ هه‌بيت هه‌تا خه‌لك پشته‌ڤانيێ بكه‌ن. ئه‌ڤه ژى د ده‌مه‌كى دايه كو جاددا عيراقى د ده‌ستێ نه‌بوونا خزمه‌تگۆزارى و پێدڤيێن بنه‌ره‌ت يێن ژيانێ ژ حوكمه‌تا نها د نه‌رازى نه”.
