عه‌بادى دكۆمبوونه‌كێ دانوستاندنان ل دۆر فرۆكخانا وده‌رگه‌هێن سنورى دكه‌ت
ئه‌ڤرۆنيوز:
جڤاتا وه‌زارى بۆ ئاسايشا نيشتمانى يا عيراقێ ب سه‌رۆكاتيا سه‌رۆك وه‌زيران وفه‌رماندێ گشتيێ هێزێن چه‌كدار، ئه‌ڤرۆ ئێكشه‌مبى 17/12/2017، دته‌وه‌ره‌كێ كۆمبوونا خوه دا دانوستاندن ل دۆر فرۆكخانا وده‌رگه‌هێن سنورى ورێكخستنا هاتنا رۆژنامه‌ڤانێن عه‌ره‌ب وبيانى بۆ عيراقێ كرن.
ئوفيسا سه‌رۆك وه‌زيرێن عيراقێ، ل دۆر وێ كۆمبوونێ راگه‌هاند” فه‌رماندێ گشتيێ هێزێن چه‌كدار حه‌يده‌ر عه‌بادى سه‌ركێشيا كۆمبوونه‌كا جڤاتا وه‌زارى بۆ ئاسايشا نيشتمانى كر كو تێدا گفتوگو ل دۆر قۆناغا پشتى سه‌ركه‌فتنێ ل سه‌ر داعشێ وڤه‌گه‌راندنا ئاواران، زێده‌بارى هنده‌ك باده‌كێن گريداى ب پلانێن پاشه‌رۆژێ”.
ئوفيسا سه‌رۆك وه‌زيران، دياركر ژى” دكۆمبوونێ دانوستاندن ل دۆر ئاسايشا فرۆكخانا وده‌رگه‌هێن سنورى وپرۆسا رێكخستنا هاتنا رۆژنامه‌ڤانێن عه‌ره‌ب وبيانى بۆ عيراقێ “.
