عه‌بادى دێ شکەستنێ ل دروستكرنا هەڤسه‌نگیێ دناڤبەرا ئیران و ئه‌مریكا دا ئینیت
ئەڤرۆ نیوز ، زنار تۆڤی :
رۆژنامەکا عه‌ره‌بی دایە دیارکرن،کو حه‌یده‌ر عه‌بادى ل دروستكرنا هەڤسه‌نگیێ دناڤبەرا ئیران و ئه‌مریكا دێ شكەستنێ ئینیت، چونكی هێشتا چو بەلگێن وەسا نەداینە ئه‌مریكا كو خوە ژ ده‌ستهەلاتا ئیرانێ دوور بگریت.
رۆژناما عه‌ره‌ب یا له‌نده‌نی د راپۆرتەکا سیاسیدا دیارکریە،کو حه‌یده‌ر عه‌بادى سه‌رۆك وه‌زیرێن عێراقێ گوتیه دێ عێراقێ دوور گرین ژ كێشێن دناڤبەرا ئیران و ئه‌مریكا دا.
رۆژناما عه‌ره‌ب نڤێسیە،عه‌بادى ژ دروستكرنا هەڤسه‌نگیێ ل پەیوه‌ندیێن دناڤبەرا ئیران و ئه‌مریكا دێ شكەستنێ ئینیت، چونكی هێشتا به‌لگێن وەسا نەداینە ئه‌مریكا کو حوکمه‌تا وی ل به‌غدا یا دوورە ل ژێر هه‌ژموونا ئیرانێ.
وێ رۆژنامێ گوتیە،حوکمه‌تا عه‌بادى یا لاوازه و ژلایێ ئیرانێ ڤە دهێته پالپشتى کرن، ئه‌ڤ هۆكاره دێ وە کەت کو عه‌بادى نه‌شێت خوە ژ ده‌ستهەلاتا ئیرانێ دوور بگریت.
هەروەسا راگه‌هاندنا دووركه‌فتنێ ب ئێكجاری ژ ئیرانێ ژ لایێ حه‌یده‌ر عه‌بادی ڤە،دێ وەکەت کو به‌رپرسێن بلند یێ شه‌قامێ شیعی دێ ل دژى عه‌بادى راوەستن و دێ دربان ل ده‌ستهەلاتا وی ده‌ن،کو ئەو ژی دو كه‌سن و هه‌ردو ژی نێزیکی ئیرانێ نە،ئه‌و ژی هادى عامرى و نورى مالكی نە.
ئەگەرەکێ دیتر هەیە کو عه‌بادى نەشێت هەڤسه‌نگیێ دروست بكەت،گرێدانا حزبیه،عه‌بادى كاندیدێ حزبەکا شیعیه و ده‌ستهەلاتا خۆ ب رێیا وێ حزبێ ب دەستڤە ئینایە و وێ حزبێ ژی هەڤسۆزیه‌كا تایفه‌گه‌رى بۆ ئیرانێ هه‌یه.
هه‌موو ئه‌و نیگه‌رانیێن عه‌بادى تێكەفتی،ژ وان گوهۆرینانە یێن کو دۆنالد تره‌مپی ل ڤان 20 رۆژێن بوریدا د حوکمه‌تا خوە دا ئه‌نجامدای،ژ وان ژی دانانا مایك پۆمپیۆ وه‌ك وه‌زیرى ده‌رڤە و جۆن بۆلتن وه‌ك راوێژكارێ ئاسایشا نه‌ته‌وه‌یى ل ئه‌مریكا هاتنە دانان.
هه‌ر ل گه‌ل وان گوهۆرینان ناڤه‌ندا سیاسى و حوکمى ل به‌غدا كه‌فتنه نیگه‌رانیێ، عه‌بادى دووپاتکریە کو نەڤێت عێراق ببیته مەیدانا پێكدادانێ دناڤبەرا ئیران و ئه‌مریكا دا، به‌رپرسێن نڤێسینگه‌ها عه‌بادى بێی کو ناڤێ وان بینیت گوتیە،هەتا نوکە داخوازا هیچ تشتەکێ ژ عه‌بادى نه‌كریه، دووپات د‌كه‌ن كو پەیوه‌ندیا دناڤبەرا ئه‌مریكا و سه‌رۆك وه‌زیرێن عێراقێ د باشترین حاله‌تیدایه.
هەروەسا دپلۆماتكارەک كو ژ ئێک ل بالیۆزخانێن وەلاتێن رۆژئاڤا ل به‌غدا كار دكەت، کو وێ رۆژنامێ ناڤێ وی ئاشكرا نه‌كریه، به‌لێ دەرباره‌ى هەلویستێ عه‌بادى ل به‌رامبه‌ر ئیرانێ وی دپلۆماتكاری گومان هه‌یه و دبێژیت،هێشتا عه‌بادى نه‌شیایە مە رۆژئاڤاییا و ئه‌مریكا رازى بكەت و نە شیایه هەڤسه‌نگیێ دروست بکەت.
هه‌ر چه‌نده دۆگلاس سلیمان بالیۆزێ ئه‌مریكا ل عێراقێ دووپاتكریه كو ئه‌و ب هیچ شێوه‌کێ ده‌ست نائێخنە هه‌لبژارتنێن عێراقێ و پالپشتیا هیچ لایه‌نەکێ عێراقێ ناكه‌ن،ب تنێ ژ روویێ ته‌ناهیێ ڤە هه‌لبژارتنان ناپارێزن.
دیسا گوتیە،جۆن بۆلتن راوێژكارێ ئاسایشا نه‌ته‌وه‌یا ئه‌مریكا كۆمەکا پلانات هه‌یه و به‌ری هه‌لبژارتنێن عێراقێ دێ وان پلانان ل عێراقێ پراكتیزه کەت،کو ئێک ژ وان جولاندنا شه‌قامێ مه‌ده‌نیە ل عێراقێ ل دژی حوکمه‌تا عه‌بادى.
د به‌رامبه‌ر دا بەحس ل هندێ دهێتە کرن كو ئیران بزاڤێ دکەت کو ب تەمامی شه‌قامێ شیعی ل سه‌ر ئێک كاندید رێك بێخیت بۆ سه‌رۆك وه‌زیران، بۆ ڤێ ژی هەکە عه‌بادى ژ هێلا ئیرانێ دوور بكه‌ڤیت،بەری هه‌لبژارتنان ئیران دێ ب كارئینانا عامرى و مالكى وێنه‌یێ عه‌بادى وه‌ك سه‌ركه‌فتیێ شه‌رێ داعش دێ ل دەف وەلاتیان تێك شكێنیت، ئه‌ڤە ژی دێ ب تێكدانا بارێ ته‌ناهیا عێراقێ بیت.
هەروەسا به‌رپرسەکێ نڤێسینگه‌ها حه‌یده‌ر عه‌بادى بۆ رۆژناما عه‌ره‌بى گوتیه ،کو هەڤسه‌نگى دێ گەلەکا دژوار بیت.
