عه‌بادى سۆز دا پشتى كونترۆلكرنێ له‌شكر د ناڤ باژێران دا نه‌مينيت
ئه‌ڤرۆ نيوز:
سه‌رۆك وه‌زيرێن عيراقێ حه‌يده‌ر عه‌بادى راگه‌هاند كو سۆپا دێ ژ وان باژێرێن دهێنه كونترۆلكرن ده‌ركه‌ڤيت.
عه‌بادى د كۆنگره‌كێ رۆژنامه‌ڤانيێ هه‌ڤپشك د ناڤبه‌را هێزێن پێشمه‌رگه‌يێ كوردستانێ و سۆپايێ عيراقێ دا ئۆپه‌راسيۆنا رزگاركرنا مووسل ب روودانه‌كا گرنگ ب ناڤكر كو بۆ جارا ئێكێ يه د مێژوويا سۆپايێ عيراقێ دا روو دده‌ت.
ئۆپه‌راسيۆنا گرتنا مووسل ب پشكداريا 30 هزار كه‌سان ژ هێزێن پێشمه‌رگه‌ى و له‌شكرێ عيراقێ ل 17ى چريا ئێكێ يا 2016ێ ده‌سپێكريه و ب پشته‌ڤانيا هێزێن تايبه‌ت يێن ئه‌مريكا و پشته‌ڤانيا ئه‌سمانى يا ئه‌مريكا، فره‌نسا و بريتانيا. دهێته پێشبينيكرن كو پێنج هزار هه‌تا شه‌ش هزار چه‌كدارێن داعش ل ناڤ باژێرێ مووسل و ده‌وروبه‌ران مابن.
سه‌رۆك وه‌زيرێن عيراقێ د گۆتنا خوه دا سۆز دا كو پشتى ئازادكرنا هه‌ر باژێر و ده‌ڤه‌ره‌كێ ژ ده‌ستێ داعش، سۆپايێ عيراقێ ژ ناڤ ب ده‌ركه‌ڤيت.