عه‌بادى نامه‌كا چار خالى دده‌ته دده‌ته به‌رپرسێن هه‌رێمێ
ئه‌ڤرۆ نيوز:
حه‌يده‌ر عه‌بادى، سه‌رۆك وه‌زيرێن عيراقێ راگه‌هاند بۆ چاره‌كرنا كێشێن ناڤبه‌را به‌غدا و هه‌ولێر ئه‌و چاڤه‌رێ سه‌ره‌دانا مه‌سعود بارزانى، سه‌رۆكێ هه‌رێما كوردستانێ نه.
ئه‌حمه‌د ره‌شيد، سه‌رۆكێ فراكسيۆنا كۆمه‌لا ئيسلامى ل جڤاتا نوونه‌رێن عيراقێ كو دوهى 6ى ته‌باخێ ئاماده‌ى كۆمبوونا عه‌بادى ل گه‌ل سه‌رۆكێن فراكسيۆنێن كوردى بوو، دا زانين كو عه‌بادى پێ راگه‌هانديه بۆ چاره‌كرنا كێشێن عيراقێ و هه‌رێمێ ئه‌و دێ نامه‌كا چار خالى بۆ به‌پرسێن هه‌رێما كوردستانێ ره‌وانه كه‌ت.
دايه زانين ژى كو ئه‌و چار خال ب ڤى ره‌نگى ل خوارێ نه: “ئێك: هه‌رێم ب هه‌موو ره‌نگان يا شه‌فاف بيت د هنارتنا بابه‌تێ په‌ترۆلێ دا. دوو: دڤێت يا هووربين بيت د ژمارا فه‌رمانبه‌رێن هه‌رێما كوردستانێ دا و پێداچوونێ د مووچان دا بكه‌ت. سێ: هه‌رێما كوردستانێ په‌ترۆلا خوه راده‌ستى به‌غدا بكه‌ت. خالا چارێ ژى ئه‌وه كو ته‌عريفا گومركى وه‌كو عيراقێ لێ بكه‌ت”.
هه‌ر وه‌كو سه‌رۆكێ فراكسيۆنا كۆمه‌لا ئيسلامى دايه زانين كو ل كۆمبوونا ميونشن، سه‌رۆك بارزانى ل ديدارا ل گه‌ل عه‌بادى گۆتيێ كو دێ سه‌ره‌دانا به‌غدا كه‌م ژ بوو چاره‌كرنا كێشێن ناڤبه‌را هه‌رێم و به‌غدا.
ژێده‌ر: رووداو
