عه‌بادى هه‌موو ده‌سته‌لاتێن خوه داينه قاسم سوله‌يمانى
ئه‌ڤرۆ نيوز:
دو فه‌رماندێن حه‌شه‌د شه‌عبى ژ گرۆپێ “سرايا الخراسانى” راگه‌هاند هه‌بوونا قاسم سوله‌يمانى ل به‌ره‌يێن پێشيێ يێن شه‌رى كێمتر نينه ژ هه‌بوونا عه‌يده‌ر عه‌بادى سه‌رۆك وه‌زيرێن عيراقێ، چونكو ئه‌و پلان و شێوازێن ئۆپه‌راسيۆنان ددانيت و بحهئينه‌ر و شيره‌تكارێ سه‌ره‌كى يێ هه‌موو ئۆپه‌راسيۆنانه و عه‌بادى هه‌موو ده‌سته‌لاتێن ب قاسم سوله‌يمانى داين.
حامد جه‌زائيرى و عه‌لى ياسرى ژ فه‌رماندێن “سرايا الخراسانى” ده‌رباره‌ى رۆلێ قاسم سوله‌يمانى ل عيراقێ بۆ ئاژانسا “ميزان” يا ده‌سته‌لاتا دادوه‌ريا ئيرانێ راگه‌هاند كو سوله‌يمانى كه‌سه‌كێ ئاسايى نينه و ب وێ چه‌ندێ دهێته نياسين كو هه‌موو وه‌لاتێن كافر ژێ دترسن. ئه‌و وه‌لاتێن نه‌وێرن به‌رسينگێ سوله‌يمانى بگرن، چونكو دزانن نوونه‌رێن وه‌ليێ فه‌قيهـ و ئيمامێ ئۆمه‌تا ئيسلامى يه.
ئاماده‌يا خوه ژى ده‌ربڕى كو خوه فيداى قاسم سوله‌يمانى بكه‌ن و ئه‌و وه‌سان هزر دكه‌ن كو كه‌سه‌كێ زيره‌ك و سه‌قامگيره و د بوارێ روحى و مه‌عنه‌وى دا كه‌سه‌كێ ب شيانه و هه‌موو به‌ره‌يێن شه‌رى ل عيراقێ خوه ب قه‌رداى وى دزانن هه‌ر وه‌كو ئه‌ڤان هه‌ردو فه‌رماندان به‌حس كرى.
د جهه‌كێ دى دا به‌حس ل دامه‌زراندنا حه‌شه‌د شه‌عبى ل سه‌ر بنه‌مايێ سۆپايێ پاسدارێن ئيرانێ دكه‌ن كو به‌رى نوكه ئه‌و هزر هه‌بوويه.