عه‌بادى هێرشێن دژوار دكه‌ته سه‌ر توركيا
ئه‌ڤرۆ نيوز:
سه‌رۆك وه‌زيرێن عيراقێ هێرشێن دژوار كرنه سه‌ر وه‌لاتێ توركيا و راگه‌هاند كو ئه‌و قه‌بوول ناكه‌ن چو هێزێن بيانى ل عيراقێ جهـ بگرن.
د سه‌ره‌دانه‌كێ دا بۆ كه‌ربه‌لا، حه‌يده‌ر عه‌بادى، سه‌رۆك وه‌زيرێن عيراقێ هێرشێن دژوار كرنه سه‌ر توركيا و راگه‌هاند: “هێزێن بيانى يێن چو وه‌لاته‌كى ل عيراقێ نينن و د ئۆپه‌راسيۆنێن مووسل ژى دا پشكدار نابن، ئه‌ڤێن هه‌ين ب تنێ هێزێن هه‌ڤپه‌يمانانه و هاريكاريا هێزێن عيراقى دكه‌ن”.
سه‌رۆك وه‌زيرێن عيراقێ گۆتژى: “هێزێن توركيا ل عيراقێ ره‌ت دكه‌ين و هێزێن وان چو رۆله‌ك د ئۆپه‌راسيۆنا رزگاركرنا عيراقێ دا نابيت”.
ژ ئه‌گه‌ر هاتنا هێزێن له‌شكرێ توركيا بۆ باشيكێ و داخۆيانێن توركيا ل دۆر پشكداريا وان د شه‌رێ ئازادكرنا مووسل دا و ره‌تكرنا وان ژ لايێ عيراقێ ڤه په‌يوه‌نديێن عيراق و توركيا تێكچووينه.
