عه‌بادى ژ به‌غدا ده‌ركه‌فت
ئه‌ڤرۆ نيوز:
سپێده‌هيا ئه‌ڤرۆ رۆژا شه‌مبى رێكه‌فتى 7ى چريا دويێ 2015سه‌رۆك وه‌زيرێن عيراقێ به‌ر ب نه‌جه‌ف ب رێ كه‌فت د ده‌مه‌كى دا وه‌ڤدێ هه‌رێمێ ب چاڤه‌رێ بوو د سه‌ره‌دانا خوه بۆ به‌غدا دا چاڤ پێ بكه‌ڤيت.
مالپه‌رێ نون يێ عيراقێ به‌لاڤكر كو ئه‌ڤرۆ سپێدێ حه‌يده‌ر عه‌بادى سه‌رۆك وه‌زيرێن عيراقێ بۆ دانوستاندن ل گه‌ل مه‌رجه‌عيه‌تا ئاينى يێ شيعان ل عيراق به‌غدا ب جهـ هێلا و گه‌هشته نه‌جه‌ف.
سه‌ره‌دانا حه‌يده‌ر عه‌بادى ب رۆژه‌كێ پشتى وێ ئێكێ دهێت كو دوهى د گۆتارا رۆژا ئه‌ينى دا نوونه‌رێ عه‌لى سيستانى، شێخ مه‌هدى كه‌ربه‌لاى ب ناڤێ سيستانى هوشدارى داينه عه‌بادى كو د چاكسازيان دا سنورێ قانوون و دستوورى نه‌به‌زينيت.
ئه‌ڤرۆ سپێدێ ژى وه‌ڤدێ حوكمه‌تا هه‌رێما كوردستانێ ب سه‌رۆكاتيا نێچيرڤان بارزانى به‌ر ب به‌غدا چوون ژ بوو پشكداريكرن د تازيا ئه‌حمه‌د چه‌له‌بى سه‌ركێ پارتيا كۆنگرێ نشتيمانى يێ عيراقێ و ل به‌ر بوو چاڤ ب حه‌يده‌ر عه‌بادى يێ سه‌رۆك وه‌زير ژى بكه‌ڤيت، هه‌ر چه‌نده سامى ئه‌رگۆشى، سكرتێرێ رۆژنامه‌ڤانى يێ نێچيرڤان بارزانى د تۆيته‌كى دا ل تۆڕا جڤاكيا تويته‌رى راگه‌هاند بوو كو سه‌ره‌دانا شاندێ هه‌رێمێ بۆ به‌غدا نه سه‌ره‌دانه‌كا فه‌رمى يه.
