عه‌بادى ڤان مه‌رجان ددانيته به‌ر هه‌رێما كوردستانێ
ئه‌ڤرۆنيوز:
ژيده‌ره‌كێ بلند ل حوكمه‌تا عيراقێ ب مالپه‌ره‌كێ عه‌ره‌بى راگه‌هانديه كو حه‌يده‌ر عه‌بادى سه‌رۆك وه‌زيرێن عيراقێ ليسته‌كا مه‌رجان دياركريه بۆ ده‌ستپێكرنا دانوستاندنان ل گه‌ل هه‌رێما كوردستانێ ب سه‌رپه‌رشتيا نه‌ته‌وين ئێكگرتى.
مالپه‌رێ (العربي الجديد) ژزارده‌ڤێ وه‌زيره‌كێ عيراقى به‌لاڤكريه كو حوكمه‌تا عيراقێ ليستا مه‌رجێن خوه يا دايه حوكمه‌تا هه‌رێما كوردستانێ.
ل دووڤ وى ژێده‌رێ حوكمه‌تا عيراقێ، حوكمه‌تا هه‌رێما كوردستانێ ئه‌و مه‌رجێن حوكمه‌تا عيراقێ ب توندى يێن ره‌تكرين ودياركر كو ئه‌ڤه نيشانا وێ چه‌ندێ يه حوكمه‌تا عيراقێ ل به‌ره كێشێن خوه ل گه‌ل هه‌رێما كوردستانێ ب رێا له‌شكرى چاره‌سه‌ر بكه‌ت.
وى مالپه‌رى هنده‌ك ژ مه‌رجێن حوكمه‌تا عيراقێ به‌لاڤكرينه ئه‌وژى ( هه‌لوه‌شاندنا ريفراندۆمێ ب داخۆيانيه‌كا فه‌رمى نه‌كو هه‌لاويستنا وێ، راده‌ستكرنا خالێن سنورى وفرۆكخانێن كوردستانێ ب حوكمه‌تا عيراقێ، راده‌ستكرنا داهاتيێن په‌ترۆلى ونه په‌ترۆلى، گومرك وباجين كوردستانێ ب حوكمه‌تا عيراقێ، راده‌ستكرنا هه‌موو عيراقيێن داخوازكرى كو ل كوردستانێ دژين، زڤرين بۆ سنورێ سالا 2003، گرێدانا هيزێن پێشمه‌رگێ كوردستانێ ب وه‌زاره‌تا به‌رگريا عيراقێ ڤه، سۆزنامه ب نه‌حه‌واندنا داخوازكريێن عيراقى، گه‌شت نه‌كرنا هه‌ر به‌رپرسه‌كێ هه‌رێما كوردستانێ بۆ ده‌رڤه بێ ره‌زامه‌نديا حوكمه‌تا عيراقێ، پێشوازى نه‌كرن ل چو به‌رپرسێن جيهانى ب شێوێ راسته‌وخوه، تنێ ب رازيبوونا به‌غدا وده‌ربازبوون ژ به‌غدا بۆ هه‌ولێرێ).
