عه‌بادى گه‌فان ل ئه‌مريكا دكه‌ت
ئه‌ڤرۆ نيوز:
سه‌رۆك وه‌زيرێ عيراقێ ته‌كست ل سه‌ر وێ چه‌ندێ كر كو عيراقێ ب چو ره‌نگه‌كى پێدڤى ب هێزێن زه‌مينى يێن بيانى نينه، گه‌فێن وێ چه‌ه‌ندێ ژى دكه‌ت كو رێ ناده‌ت چو هێزه‌كا بيانى ل سه‌ر ئه‌ردێ وێ بيت چو يێ هه‌رێمێ يان ژى هه‌ڤپه‌يمانيا نێڤده‌وله‌تى بهێته ناڤ ئاخا عيراقێ.
ئه‌ڤرۆ رۆژا ئه‌ينى 4ى كانوونا ئێكێ يا 2015ێ حه‌يده‌ر عه‌بادى سه‌رۆك وه‌زيرێ عيراقێ د به‌ياننامه‌كا رۆژنامه‌ڤانى دا راگه‌هاند: “حوكمه‌تا عيراقێ هه‌لويستێ خوه يێ توند و روون ده‌ردبريت و ب توندى وێ چه‌ندێ ره‌ت دكه‌ت كو هه‌ر وه‌لاته‌كێ سه‌روه‌ريا نشتيمانيا عيراقێ پێشێل بكه‌ت و هێزا ئه‌ردى يا شه‌رى يا هه‌ر وه‌لاته‌كى بۆ عيراقێ ب كاره‌كێ دوژمنكارى دزانين و وه‌كو دوژمن سه‌ره‌ده‌ريێ ل گه‌ل دكه‌ين”.
ئه‌ڤ هه‌لويستێ سه‌رۆك وه‌زيرێن عيراقێ چه‌ند ده‌مژمێره‌كا پشتى داخۆيانيا باراك ئۆباما يێ سه‌رۆكێ ئه‌مريكا دهێت كو تێدا راگه‌هاند دێ هێزێ بۆ عيراقێ ره‌وانه كه‌ن د پێناڤى دووڤچوونا رێكخراوا تيرۆرستى يا داعش دا و ب رامانا “داگيركرنا عيراقێ نينه وه‌كو ئه‌وا ل سالا 2003ێ رووداى”.
