عه‌بدولره‌حمان كه‌ورينى: چو هێزێن مه‌زنێن داعش ل ناڤ تلكێف نه‌مايه
ئه‌ڤرۆ نيوز:
فه‌رماندێ فه‌رماندا سپيلكى د داخۆيانيه‌كێ دا بۆ ئه‌ڤرۆ نيوز راگه‌هاند كو نوكه ره‌وش ل تلسقۆف يا ئارامه و چو تشتێ نوو نينه، به‌لێ داعش ژى چو هێزێن مه‌زن ل وێرێ نه‌مايه.
عه‌بدولره‌حمان كه‌ورينى، فه‌رماندێ فه‌رماندا سپيلكى گۆت: “نوكه ره‌وش ل وێ ده‌ڤه‌را تلسقۆف ب گشتى يا ئارامه و هنده‌ك جاران ئه‌و هاونان دهاڤێژن، ئه‌م ژى به‌رسڤا وان دده‌ين”.
زێده‌تر گۆت: “هه‌ر چه‌نده وه‌كو جاران چه‌كدارێن داعش ل وان ده‌ڤه‌ران نه‌مايه، يه‌لێ هه‌تا نوكه هێزێن پێشمه‌رگه‌ى ل ڤێ ده‌ڤه‌رێ پێشڤه‌چوون نه‌كريه”.
پێشتر د نووچه‌كى دا ئه‌ڤرۆ نيوز ژ ژێده‌ره‌كێ فه‌رمانده‌يا سپيلكى ل وێ ده‌ڤه‌رێ به‌لاڤكربوو كو تلكێف هاتيه ئازادكرن، به‌لێ فه‌رماندێ فه‌رماندا سپيلكى ئه‌و نووچه ره‌تكر و گۆت: “چو تشتێ ژ وى ره‌نگى نينه”.