عه‌لى لاريجانى جاره‌كا دى وه‌كو سه‌رۆكێ په‌رله‌مانێ ئيرانێ هاته هه‌لبژارتن
ئه‌ڤرۆ نيوز:
عه‌لى لاريجانى د هه‌لبژارتنێن سالا چوارێ يا ڤێ خۆلێ ل په‌رله‌مانێ ئيرانێ ب سه‌رۆكێ په‌رله‌مانى هاته هه‌لبژارتن.
د سه‌رجه‌مێ 274 ده‌نگێن په‌رله‌مانتارێن ئيرانێ، عه‌لى لاريجانى 155 ده‌نگ ب ده‌ست ڤه ئينان و محه‌مه‌د ره‌زا عارف به‌ربژارێ فراكسيۆنا ئومێد 105 ده‌نگ ب ده‌ست ڤه ئينان.
لاريجانى پشتى ده‌نگێن پتريا په‌رله‌مانتاران ب ده‌ست ڤه ئيناى گۆت: “سۆپاسيا هه‌وه دكه‌م كو دووبارى باوه‌رى ب من هاتيه دان، هيڤيدارم د وان سالێن به‌رى مه‌دا، ب پشته‌ڤانى و بزاڤێن هه‌وه بشێن ئه‌و كێشه و ئاريشێن گرنگ يێن ل به‌رى مه چاره بكه‌ين”.
سه‌رۆكێ په‌رله‌مانێ ئيرانێ هيڤى خواست كو كێشێن ئابوورى يێن خه‌لكێ ئيرانێ چاره‌سه‌ر بكه‌ن و ديسا پرسێن ده‌ڤه‌رێ و نێڤده‌وله‌تى يێن ئيرانێ بگه‌هنه ئارمانجا خوه.
ماوێ هه‌ر خوله‌كا په‌رله‌مانێ ئيرانێ چار ساله و هه‌موو سالان ب گۆره‌ى په‌يره‌وێ ناڤخۆ يێ په‌رله‌مانێ وى وه‌لاتى، ده‌سته‌يا سه‌رۆكاتيا نوو هه‌لدبژێرن.
