عه‌مار كوفى لیژنه ژ خوه رازى كر
ئه‌ڤرۆ نیۆز ، سالار دۆسكى:
ب به‌رهه‌ڤبوونا ئه‌نداما په‌رله‌مانێ كوردستانێ ڤیان عه‌باس وه‌ك پشته‌ڤانى بۆ كورێ پارێزگه‌ها دهۆك و نوونه‌رێ كوردستانێ ل پرۆگرامێ ئه‌ره‌ب ئایدل، عه‌مار كوفى ب سترانا هونه‌رمه‌ندێ عیراقى (ماجد موهه‌ندس) شیا لیژنا دادوه‌ر نوك خوه ڤه بكێشیت و ژ خوه رازى كه‌ت.
پشتى ب مه‌وال ده‌ست پێكرى و دووڤ دا سترانه‌كا ماجد موهه‌ندس گۆتى، وائل كفورى ئه‌ندامێ لیژنا دادوه‌ر عه‌مار كوفى ب موهه‌نده‌ێ عه‌ره‌با نافكر و دیاركر كو خه‌لك وه‌دبێژنێ و بینه‌ر بڤى ناڤى دنیاسن و ئه‌ڤه ژى بۆ هندێ كو سه‌رۆ وسیمایێ وى نێزیكى ئه‌كته‌رێ تورك موهه‌نده، دیسا نانسى عه‌جرم ژى گۆت: حه‌زدكه‌م وه‌ك زنجیره‌كێ به‌رده‌وام چاڤه‌رى هاتنا ته‌بین، چونكه تو رۆژ بۆ رۆژێ خوشتر بێژى و و ژ هه‌موو لایه‌نان ڤه، دیسا ئه‌حلامێ ژى ب كارتا كه‌سك پشته‌ڤانى ل عه‌مارى كر.. دیسا ئه‌ندامێ لیژنێ حه‌سه‌ن شافعى ژى پشته‌ڤانى عه‌مار كوفى كر.
جهێ ئاماژه‌كرنێ یه كو عه‌مار كوفى هه‌لگرێ هه‌ژماره (21) د پرۆگرامێ ئه‌رب ئایدل دا كو خه‌لكێ باژێرێ زاخۆیه و دیسا پێشتر ژى رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ رێڤه‌به‌ریا هونه‌رێ مۆزیكێ پشته‌ڤانیا خوه بۆ دیاركریه و دیسا به‌رده‌وام په‌یوه‌ندى دگه‌ل هه‌یه و چه‌ندین بزاڤ ب مه‌رما پشته‌ڤانیێ بوو دناڤا پارێزگه‌هێ دا ئه‌نجام داینه.