عه‌مباره‌كا چه‌ك وته‌قه‌مه‌نيان ل كه‌ربه‌لا په‌قى
ئه‌ڤرۆنيوز:
عه‌مباره‌كا چه‌ك وته‌قه‌مه‌نيان ئه‌ڤرۆ ئه‌ينيێ ل باژێرێ كه‌ربه‌لا په‌قى وزيانێن گيانى ل دووڤ خوه هێلان.
ئه‌بو جه‌نه ئه‌لمه‌يالى، چالاكڤانێ مه‌ده‌نى ژ كه‌ربه‌لا بۆ ئه‌ڤرۆنيوز گۆت” ئه‌و عه‌مبارا چه‌ك وته‌قه‌مه‌نيان ب سه‌ر حه‌شدا شه‌عبى ڤه‌يه وژئه‌نجامێ په‌قينا وێ دو كه‌س يێن بريندار بووين”.
دياركر ژى” پشتى چه‌ندين عه‌مبارێن چه‌كى ل هنده‌ك پارێزگه‌هێن باشوورێ عيراقێ په‌قين، حوكمه‌تێ بريار دابوو عه‌مبارێن ژ وى جۆرى ژناڤ باژێران بهێنه ڤه‌گوهاستن بۆ ده‌رڤه‌ى باژێران، به‌لێ هه‌تا نوكه ئه‌و بريار نه‌هاتيه بجهئينان”.
