عيراقێ كچه‌كا كورد بۆ خه‌لاتێ نۆبل به‌ربژار كر
ئەڤرۆ نیوز، کاروان باعەدری:
وەزارەتا کۆچ و کۆچبەرێن عیراقێ ل رۆژا سێشه‌بى رێكه‌فتى 5ى كانوونا دويێ 2016، ب فەرمی نادیا موراد بەربژار کر بۆ خەلاتێ نۆبل ژ بەر کو ژ دەستێ داعش رزگار بوویە.
وەزارەتا کۆچ و کۆبەران د بەیاننامەیەکێ دا ئه‌گه‌رێن بەربژیرکرنا نادیایێ بۆ ڤی خەلاتی ئاشکەراکرن: “نادیایێ د جڤاتا ئاسایشا نێڤدەولەتی دا بەحسێ بارزگانیا ب مرۆڤان کر و بەحسا چیرۆکین کچێن ئێزدی دکر د دەستێ رێکخراوا تیرۆرێ دا و ھەر د وێ کۆمبوونا جڤاتێ دا داخوازا ژ وان کربوو وان کچ و ژنێن ئێزدی رزگار بکەن یێن نھا د ناڤ ده‌ستێ داعش دا كو ئەو ژی نێزیکی 3400 ژنانن”.
ھەر د وێ بەیاننامێ دا ھاتیە: “نادیایێ رۆلەکی گرنگ ھەبوو د ناساندنا وان نەخوشیێن ب سەر ژنێن عیراقێ دا ھاتین و ب تایبەت ژنێن ئێزدیا و ئەو ده‌ڤه‌رێن کەڤتینە د دەستێ داعش دا”.
د دووماھیا وێ راگەھاندنا وەزارەتا ناڤبری دا نڤیسیە: “ئەم شانازیێ ب بەربژارکرنا نادیایێ دبەین بۆ وەرگرتنا خەلاتێ نۆبل و داخوازێ ژ رایا گشتی و ھەموو رێکخراوێن پەیوەندیار دكه‌ين پالپشتیا ڤێ کچێ بکەن، چونکو یا ژھەژیە ببیتە ھێمایا خەباتا ژنان ل دژی وان ھێزین دڤێن ژنێ ژ ناڤ ببەن”.
نادیا ئەو کچ بوو يا شیای خوه ژ دەستی داعش رزگار بکەت و ناما کچ و ژنێن ئێزدی بگەھینيتە ھەموو جیھانێ و کارەساتا نیشا جیھانێ بدەت کو ب ھەموو پیڤەران جینوسایدە ل دی ئێزدیان.
