عيراق داخوازا سێ دادوه‌ران ژ جڤاتا دادوه‌رى يا هه‌رێما كوردستانێ دكه‌ت
ئه‌ڤرۆنيوز:
جڤاتا بلند يا دادوه‌ريێ ل عيراقێ داخواز ژ جڤاتا دادوه‌ريێ ل هه‌رێما كوردستانێ دكه‌ت سێ دادوه‌ران بۆ پرۆسا هژمارتنا ده‌نگان ب ده‌ست ديار بكه‌ت.
ل دووڤ به‌ياننامه‌كا جڤاتا دادوه‌ريێ ل عيراقێ، 27 دادوه‌ر ل سه‌رانسه‌رى عيراقێ وهه‌رێما كوردستانێ بۆ سه‌رپه‌رشتيكرنا پرۆسا هژمارتنا ده‌نگان ب ده‌ست دێ ديار كه‌ت.
دوێ به‌ياننامێ دا هاتيه كو جڤاتا ناڤبرى داخواز ژ جڤاتا دادوه‌ريێ ل هه‌رێما كوردستانێ كريه سێ دادوه‌ران بۆ سه‌رپه‌رشتيكرنا نڤيسينگه‌هێن هژمارتنا ده‌نگان ب ده‌ست ل پاريزگه‌هێن هه‌ولێرێ وسلێمانيێ ودهۆكێ ديار بكه‌ت.
ل رۆژا 6/6/2018 په‌رله‌مانێ عيراقێ قانوونا هه‌لبژارتنان راستڤه‌كر وبريار دا ده‌نگێن هه‌لبژارتنێن په‌رله‌مانێ عيراقێ ب ده‌ست بهێنه هژمارتن.
