عيراق ده‌وله‌ت نينه
ئه‌ڤرۆ نيوز:
سه‌رۆكێ ئێكه‌تيا هێزێن عيراقى و جێگرێ به‌رێ يێ سه‌رۆك كۆمارێ عيراقێ رادگه‌هينيت كو پابه‌ندنه‌بوونا حوكمه‌تا عيراقێ ب دستوورێ وه‌لاتى، كورد به‌ر ب جودابوونێ برن.
ئۆسامه نوجه‌يفى، سه‌رۆكێ ئێكه‌تيا هێزێن عيراقى كو كوتله‌يه‌كا پێكهاتێ سونيانه ل په‌رله‌مانێ عيراقێ د چاڤپێكه‌فتنه‌كێ دا ل گه‌ل رۆژناما “الشرق الاوسط” راگه‌هانديه: حوكمه‌تا عيراقێ نوكه ژى ب گيانيێ تاكحزبيێ و تاكره‌ويێ و تايفێ ب رێڤه دچيت”.
ئۆسامه نوجه‌يفى به‌حس ل وێ چه‌ندێ ژى كر كو حوكمه‌تا عيراقێ يا پابه‌ند نه‌بوويه ب سوزێن خوه د رێكه‌فتنا ل گه‌ل هه‌رێما كوردستانێ و وه‌كو نمونه ژى بودجێ هه‌رێما كوردستانێ و نه‌هنارتنا پشكا هه‌رێمێ ژ چه‌ك و ته‌قه‌مه‌نيان ئينان.
جێگرێ به‌رێ يێ سه‌رۆك كۆمارێ عيراقێ ئاماژه دا وێ چه‌ندێ ژى كو حوكمه‌تا عيراقێ پابه‌ندى دستوورى نه‌بوويه كو چاره‌سه‌ريا هه‌ڤركيان ده‌رباره‌ى داراى و له‌شكرى بكه‌ت و ژ به‌ر هندێ ژى كورد يێ رێ دگرنه به‌ر ريفراندۆم و جودابوونێ.
ئۆسامه نوجه‌يفى گۆت: “عيراق وه‌كو ده‌وله‌ت يان به‌رزه بووى، د ده‌مه‌كى دا خه‌لك ل سه‌ر چادێ يێ ب چه‌ك بيت، چه‌ند باژێره‌ك د ده‌ستێ داعش دابن، قانوون نه‌بيت، خه‌لك ب ساناهى بهێته ره‌ڤاندن، ئه‌ڤه هندێ دگه‌هينيت كو عيراق ده‌وله‌ت نينه”.
