عيراق دێ 50 هزار ته‌نێن گه‌نمى كريت
ئه‌ڤرۆنيوز:
وه‌زاره‌تا بازرگانى ل عيراقێ ل به‌ره 50 هزار ته‌نێن گه‌نمى ژ ئێك ژهه‌رسێ وه‌لاتێن ئوستراليا وئه‌مريكا وكه‌نه‌دا بكريت.
ئاژانسا رويته‌رز ژزارده‌ڤێ ژێده‌ره‌كى ژ وه‌زاره‌تا بازرگانى يا عيراقى به‌لاڤكر” ته‌نده‌رێن كرينا وێ رێژا گه‌نمى دڤێت دناڤبه‌را 2/7/2018 هه‌تا 8/7/2018 بهێنه وه‌رگرتن”.
حوكمه‌تا عيراقێ ل هه‌يڤا كانوونا ئێكێ يا بۆرى 100 هزار ته‌نێن گه‌نمى ژ ئه‌مريكا وكه‌نه‌دا كرى بوون ول هه‌يڤا گۆلانا بۆرى ژى 100 هزار ته‌نێن گه‌نمى ژ ئه‌مريكا وئوستراليا كرى بوون، هه‌روه‌سا ل هه‌يڤا گولانا بۆرى حوكمه‌تا عيراقێ 957 هزار ته‌نێن گه‌نمێ ژ ناڤخوه‌يا عيراقێ كرى بوون.
