عيراق هێزێن زێده‌تر دهنێريته سه‌ر سنورێ سووريێ
ئه‌ڤرۆنيوز:
ل چه‌ند رۆژێن بۆرى دا هيزێن زێده‌تر يێن عيراقێ هاتنه هنارتن بۆ ده‌وروبه‌رێن باژێرێ قائيم ل سه‌ر سنورێ عيراقێ وسووريێ تاكو رێ ل هاتنا چه‌كدارێن داعشێ بۆ ناڤ ئاخا عيراقێ بگرن.
تاكو نوكه رێكخراوا تيرۆرستى يا داعشێ چه‌ند ده‌ڤه‌ره‌ك ل پاريزگه‌ها دێرلزۆر ل رۆژهه‌لاتا سووريێ دده‌ستهه‌لاتا وێ دا ماينه، پشكه‌ك ژوان ده‌ڤه‌ران ژى دهه‌ڤسنورن ل گه‌ل پارێزگه‌ها ئه‌نبار يا عيراقى.
ل دووڤ هنده‌ك شرۆڤه‌كاران، حوكمه‌تا عيراقێ ترس ژوێ چه‌ندێ يا هه‌ى كو زێده‌بوونێ فشاران ل سه‌ر چه‌كدارێن داعشێ ل لايێ سووريێ، ببيته ئه‌گه‌ر ئه‌و چه‌كداره بهێنه دناڤ ئاخا عيراقێ دا.
فه‌رمانده‌يا ئۆپه‌راسيۆنا هه‌ڤپشك يا عيراقێ هێزێن هه‌موو كه‌رتێن له‌شكرى ژ له‌شكر وپۆليسێن فيدرالى وجه‌شدا شه‌عبى، زێده‌بارى هێزێن زێره‌ڤانێن سنورى ل وان ده‌ڤه‌ران جهگير كرينه.