عیدۆ بابا شێخ وه‌غه‌را داویێ كر
ئه‌ڤرۆ نیوز:
عیدۆ بابا شێخ، نڤێسه‌ر و ره‌وشه‌نبیرێ ئێزدی ئه‌ڤرۆ د ژیێ شێست و پێنچ سالیێ دا وه‌غه‌را داویێ كر.
عیدۆ بابا شێخ، نڤێسه‌ر و ره‌وشه‌نبیرێ ئێزدی، ئه‌ڤرۆ ل نه‌خۆشخانه‌یه‌كا باژارێ هه‌ولێرێ د ژیێ شێست و پێنچ سالیێ دا ژ ئه‌گه‌رێ ڤایرۆسێ كۆرۆنا وه‌غه‌را داویێ كر، بریاره ئه‌ڤرۆ جه‌نازه‌یێ وی بگه‌هت شێخان و ل وێرێ بهێت ڤه‌شارتن.
عیدۆ بابا شێخ، ئه‌ندامێ په‌رله‌مانێ كوردستانێ یێ خۆلا ئێكێ بوو ژ سالا 1992 تا 2005 و هه‌روه‌ها شیره‌تكارێ كاروبارێن ئێزدییان یێ جه‌لال تاله‌بانی، سه‌رۆكێ ئیراقێ یێ پێشتر بوو .
عیدۆ بابا شێخ، برایێ خرتۆ حاجی، بابا شێخێ به‌رێ یێ ئێزدییانه و ده‌رچوویێ كۆلیژا قانوونێ یه و ئێك ژ دامه‌زرێنه‌رێن بنگه‌هێ لالش یێ ره‌وشه‌نبیری بوو ل سالا 1993 و هه‌روه‌ها ئێك ژ دانه‌رێن سه‌ره‌كی یێ په‌رتووكا ئێزدیاتیێ بوو كو نها ل قوتابخانه‌یان دهێت خواندن.
