عیراقێ توماركرنا حاله‌ته‌كێ توشبوونا ئه‌نفله‌وه‌نزا بالندا راگه‌هاند
ئه‌ڤرۆ نیوز:
وه‌زاره‌تا چاندنا عیراقێ، توماركرنا ئێكێ یا توشبوونا ئه‌نفله‌وه‌نزا بالندا راگه‌هاند.
حه‌مید نائیف په‌یڤدارێ وه‌زاره‌تا چاندنا عیراقێ راگه‌هاند حاله‌تێ ئێكێ یێ ئه‌نفله‌وه‌نزا بالندا ل پرۆژه‌یه‌كێ به‌رهه‌مئینانا هێكان ل پارێزگه‌ها نه‌ینه‌وا هاتیه توماركرن.
په‌یڤدارێ وه‌زاره‌تا چاندنێ ئه‌و چه‌نده ژی راگه‌هاند: ده‌ملده‌ست بجهكرنا پلانا نیشتمانی و ته‌ڤایا به‌رهه‌مێن ناڤ پرۆژه‌یی هاتنه سوتن و ژناڤبرن، هه‌روه‌سا هاتنوچونا پرۆژه‌ی هاته قه‌ده‌غه‌كرن، ئه‌و پرۆژه‌یێ حاله‌تێ ئه‌نفله‌وه‌نزا بالندا تێدا هاتیه دیتن دیره ده‌ست بوو.
حه‌مید نائیف په‌یڤدارێ وه‌زاره‌تا چاندنا عیراق داخازێ ژ هه‌می خودان پرۆژه‌یێن په‌له‌وه‌ران دكه‌ت، ب هیری چاڤدێریا ره‌وشێ بكه‌ن، ل ده‌مێ گۆمان سه‌ر حاله‌ته‌كێ دی توشبوویێ ئه‌نفه‌له‌وه‌نزا بالند دیت، لایه‌نێن په‌یوه‌ندیدار ئاگه‌هدار بكه‌ن و رێكارێن پێدڤی د پێخه‌مه‌تا رێگرتن ژ به‌لاڤبوونا ڤایرۆسی بكار بینن.