عیراقێ گرێبەستا کرینا 230 ھزار تەنێن برنج و گەنمی راگەھاند
ئەڤرۆ نیوز، نەوزاد ھلۆری:
وەزارەتا بارزگانی یا عیراقێ ئەڤرۆ رۆژا ئێکشەمبی دیارکر کو گرێبەست بو کرینا 230 ھزار تەنێن برنج و گەنمی ل گەل وەلاتێن جیھانی راگەھاند داکو وەکو ئاھێن خوارنێ ل سەر وەلاتیان بھێنە دابەشکرن.
سلێمان عەلی جەمیلی وەزیرێ بازرگانیا عیراقێ د رونکرنەکێ دا دیارکر کو لژنەیەک بو ئەنجامدانا گرێبەستان ل حەفتیا بوری ھاتیە پێکئینان و گۆت: (ئەو گرێبەست ژی پێکدھێت ژ کرینا 230 ھزار تەنێن برنج و گەنمی ژ چند وەلاتێن بیانی بو عیراقێ کو ئەو ژی 50 ھزار تەنێن گەنمێ کەنەدی ، 90 ھزار تەنێن برنجێ ئەمریکی ، و 60 ھزار تەنێن برنجێ ئوروگوای و 30 ھزار تەنێن برنجێ ئەرجەنیتی نە).
زێدەتر بو شەفەق نیوز گۆت: (ھەموو ئەڤ گرێبەستێن کو ھاتینەکرن داخوازیێن ئێکسەر یێن عیراقی بوون و ب گورەی رێنما و رێکخستن و قانونان ھاتیە کرن، و ئارمانج ژی ئەو بویە کو رێژا پێدڤی یا خەلکێ دەستڤە بھێت).
