عیراق بریارەکێ دەردکەت د بەرژەوەندا هەرێما کوردستانێ دا نینە
ئەڤرۆ نیوز ، زنار تۆڤی:
راوێژكارەکێ وه‌زاره‌تا دارایا عێراقێ ئاشكرا دکەت، کو سیستەمێ وه‌رگرتنا باجێ ل عیراقێ و هه‌رێما كوردستانێ دێ هێتە مه‌ركه‌زی کرن، رێڤەبه‌رێ گشتی یێ باجا هه‌رێمێ ژی گۆتیە، ئه‌ڤ بریاره د به‌رژه‌وه‌ندا هه‌رێمێ دا نینه.
ئه‌كره‌م ره‌شید راوێژكارێ وه‌زاره‌تا دارایا عیراقێ دایە دیارکرن، کو سیستەمێ باجێ ل عیراقێ ب رێیا قانوونێ و رێنمایێن نوو دێ دووباره پێداچوون پێدا هێتە کرن و ئەڤ سیستەمە دێ ب شێوه‌کێ هێتە دارێژتن، کو دێ هێتە مه‌ركه‌زی کرن و هه‌موو پارێزگەهێن عیراقێ و یێن هه‌رێما كوردستانێ ژی دێ ب هه‌مان سیستەمی كاركه‌ن.
وی به‌رپرسێ وه‌زاره‌تا دارایی ئاشكراكریه، لیژنێن تایبه‌ت بۆ ڤێ مه‌به‌ستێ پێكهاتینە و ل گه‌ل هه‌رێما كوردستانێ ژی د ڤی باریدا ل سه‌ر هێلێینە.
دکتۆر كه‌مال وه‌رتێ رێڤەبه‌رێ گشتی یغ باج و ده‌رامه‌تی ل وه‌زاره‌تا دارایی یا حوکمه‌تا هه‌رێمێ گۆتیە،كۆمبوونه‌ک دناڤبەرا به‌غدا و هه‌رێما كوردستانێ دەر‌باره‌ی یه‌كخستنا قانوون و رێنمایێن تایبه‌ت ب باج و رسوماتان دناڤبەرا هه‌ردوولا هاتیە ئه‌نجامدان، وەسا بریارە قانوون دڤێ واریدا بهێنە رێکخستن، به‌لێ ئه‌ڤە دمینیت ل سه‌ر رێككه‌فتن و گوەۆبێژێن دناڤبەرا به‌غدا و هه‌رێمێ د داهاتیدا.
هەروەسا دیارکر ژی، یه‌كخستنا باجێ و ب مه‌ركه‌زیكرنا وێ د به‌رژه‌وه‌ندیا هه‌رێمێ دا نینه، چونكی باج و رسومات د وارێ خانووبه‌ران و هەموو پیشێن دیتر ژ هه‌رێمێ كێمترن، دیسا لدووڤ دستوورێ هه‌رێما كوردستانێ بۆ هه‌یه کو قانوون و رێنمایێن تایبه‌ت ب باجا خوەڤە هه‌بیت، لەوما دێ كاری بۆ هندێ كه‌ن کو ئەڤ قانوونە وه‌ك خوە بمینیت.