عیراق بەرهەڤیان بۆ ئەنجامدانا سەرژمێریا گشتی دکەت
ئەڤرۆ نیوز:
بەرهەڤی بۆ ئەنجامدانا سەرژمێریا سەرتاسەری ل عیراق بەردەوامن، حوکمەتا ھەرێما کوردستانێ ژی بۆ ڤێ مه‌به‌ستێ ب رێیا لژنەکێ دێ گوتۆبێژان ل گەل حوکمەتا عیراقێ کەت.
دارا رەشید، وەزیرێ پلاندانانا ھەرێما کوردستانێ گۆت، هەکە سەرژمێریێ مەبەستەکا سياسی ل پشت بیت، حوکمەتا ھەرێمێ پشکدار نابیت و دێ رەدکەت، لدووڤ وێ ميكانيزما حوکمەتا ھەرێمێ دانای، دڤێت بۆ هەموو نەتەوان پشکا وان د بودجەی دا بهێتە ئێکلا کرن.
عه‌دنان كه‌ركووكی، پەیڤدارێ جڤاتا سەرکرداتیا کەرکووك – گەرمیان یا پارتی دیموكراتی كوردستان دبێژیت: دڤی بارودۆخی دا ئەنجامدانا سەرژمێریێ مەزنترین مەترسیە بۆ سەر ڕێژا کوردان ل کەرکووكێ و دەڤەرێن دیتر، چونکی ب ئەگەرێ تەعریبێ و روودانێن ١٦ ئۆکتۆبەرێ رێژان كوردان ل کەرکووکێ کێم بوویە.
حوکمەتا ھەرێما کوردستانێ لژنەک بۆ گوتۆێژ کرنێ ل سەر داخواکاریێن کوردان به‌ری ئەنجامدانا وێ سەرژمێریێ پێكئینایە، هەتا نوکە چەندین کۆمبوون ل گەل لیژنێن حوکمەتا عیراقێ ئەنجامداینە.