عیراق داخازا رێكه‌تنێ ل سه‌ر ئاڤێ ل گه‌ل توركیا دكه‌ت
ئه‌ڤرۆ نیوز:
وه‌زیرێ ژیده‌رێن ئاڤێ یێن عیراقێ راگه‌هاند تژیكرنا سكرێ ئیلیسو كۆ ل سه‌ر روبارێ دیجله ل توركیا دێ كارتێكرنا نه‌رینی ل سه‌ر عیراقێ هه‌بیت.
مه‌هدی ره‌شید وه‌زیرێ ژێده‌رێن ئاڤێ یێن عیراقێ راگه‌هاند مه داخازا دانوستاندنێ ژ توركیا كریه داكو بگه‌هینه رێكه‌تنێ ل سه‌ر پلانا تژیكرنا سكری و بێ زیان گه‌هاندن ب پشكا ئاڤا عیراقێ ژ ئاڤا دیجله، كارتێكرنا پروسه‌یا تژیكرنا سكری نوكه ده‌رناكه‌ڤن، چونكو رێژه‌یه‌كا زۆر ئاڤا خرڤه‌كری هه‌یه، به‌لێ ل وه‌رزێن بهێت پروسه دێ كارتێكرنه‌كا مه‌زن ل سه‌ر رووبارێ دیجله هه‌بیت، له‌ورا ئارمانجا وه‌زاره‌تا ژیده‌رێن ئاڤێ ئه‌وه بگه‌هینه رێكه‌تنه‌كێ ب دلێ هه‌ردو ئالیان بیت.
وه‌زیرێ ژێده‌رێن ئاڤێ یێن عیراقێ ئه‌و چه‌نده ژی راگه‌هاند به‌رژه‌وه‌ندێن هه‌ڤبه‌ش دناڤبه‌را عیراقێ و توركیا دا هه‌نه كۆ دێ نه‌چار كه‌ین بگه‌هینه ریكه‌تنێ ل سه‌ر مێزا دانوستاندنێ.
