عێراقێ گرێبەستەک بۆ هنارتنا نەفتا کەرکووکێ بۆ ئیرانێ ئیمزا کریە
ئەڤرۆ نیۆز ، زنار تۆڤی:
حوکمەتا عێراقێ رادەگەهینیت،کو ل ڤان نێزیکان دێ ھنارتنا نەفتا کەرکووکێ بۆ کۆمارا ئیسلامی یا ئیرانێ دەست پێ کەت.
ئەڤرۆ شەمبیێ ٩/١٢/٢٠١٧ عەبدولجەبار لعێبی، وەزیرێ نەفتا عێراقێ د بەیاننامەکێدا راگەهاندیە،کو وەلاتێ وی و ئیرانێ گرێبەستەک بۆ ھنارتنا ٣٠-٦٠ ھزار بەرمیلان رۆژانە ژ نەفتا کەرکووکێ بۆ ئیرانێ ئیمزا کریە.
عەبدولجەبار لعێبی ھەروەھا دیارکریە،کو ئەو نەفتە دێ ب رێیا تانکەران هێتە ڤرێکرن،هەتاکو بۆریا ڤەگۆهاستنا نەفتا کەرکووکێ بۆ ئیرانێ دهێتە دەمەزراندن.
دیسا د وێ بەیاننامێدا ھاتیە،دێ نەفتا کەرکووکێ دەنە ئیرانێ و ئیران ژی ژ باشۆری ب ھەمان بر و ب ھەمان کوالێتی،دێ نەفتێ ب رێیا کەشتیێ دەتە عێراقێ و دێ ڤرێکەتە بەندەرێن باژێرێ بەسرە.
پشتی داگیرکرنا کەرکووکێ ژلایێ میلیشیاتێن عێراقێ ب ھاریکاریە گرووپێ خیانەتکارێ ١٦ ئۆکتۆبەرێ، عێراقێ رێککەفتنا ھناردەکرنا نەفتا کەرکووکێ بۆ ئیرانێ ئیمزا کریە.
