عێراق ب قانوونەکا بەعسیان سزایەکێ دیتر ب سەر کوردستانێدا دسەپینیت
ئەڤرۆ نیۆز ، زنار تۆڤی:
حوکمەتا عێراقێ سزایەکێ دیتر ب سەر گەلێ کوردستانێدا دسەپینیت و کارگەه و کۆمپانیان نەچار دکەن کو مامەلەیێ ب قانوونەکا بەعسیان بکەن.
ل دووڤ زانیاریان حوکمەتا عێراقێ نڤێسینەک ئاراستەی حوکمەتا ھەرێما کوردستانێ کریە و تێدا داخواز ژ ھەموو کارگەه و کۆمپانیێن بەرھەمھێنانێ ل کوردستانێ کریە،کو ل بەغدا ناڤێن خۆ تۆمار بکەن،هەتاکو بشێن بەرھەمێن خۆ ب هنێرنە عێراقێ.
عەبدولرزاق ئۆسمان ناوەندەیی،رێڤەبەرێ گشتی یێ دیوانێ ل وەزارەتا بازرگانی و پیشەسازیێ ل حوکمەتا ھەرێما کوردستانێ راگەهاندیە،کو بەغدا د ڤێ بریارێدا، پشت ب یاسایا سالا ١٩٩٨ یا رژێما بەعس بەستیە.
ئەڤ ھەلویستێ حوکمەتا عێراقێ بەرامبەر کۆمپانیا و کارگەهێن بەرھەمھێنانێ ل کوردستانێ، بەشەکن ژ وان سزا و گەمارۆیێن بەغدا پشتی ریفراندۆما سەربەخۆیا کوردستانێ،ب سەر گەلێ کوردستانێدا سەپاندین.
