عەبادی مەرجێن خۆ بۆ هنارتنا مووچێ فەرمانبەرێن کوردستانێ ئاشکراکرن
ئەڤرۆ نیۆز ، زنار تۆڤی:
پەیڤدارێ سەرۆک وەزیرێن عێراقێ راگەهاند،سەرەدانا شاندێ هەرێما کوردستانێ بۆ بەغدا دێمکێشا هنارتنا مووچەی چارەسەر کەت، هەلوەشاندنا ئەنجامێن ریفراندۆمێ و رادەستکرنا دەروازەیان مەرجێن پێدانا مووچێ فەرمانبەرێن هەرێما کردستانێ یه ژ لایێ بەغدا ڤە.
سەعەد حەدیسی،پەیڤدارێ نڤێسینگەها سەرۆک وەزیرێن عێراقێ گوتیە:هەولێرێ ب فەرمی دەربارەی هەلوەشاندنا ئەنجامێن ریفراندۆمێ و پابەندبوون ب بریارێن دادگەها فیدرالی،کو بەری چەند رۆژان دەرکریە و جەخت ل سەر نەدستووریا جۆدابوونێ و ریفراندۆمێ کریە،بەرسڤا بەغدا نەدایە.
هەروەسا سەعەد حەدیسی گوتیە:هەولێر هێشتا رازی نەبوویە،کو دەروازێن سنووری رادەستی دەستهەلاتا فیدرالی بکەت، هەڤدەم حوکمەتا عێراقێ چاڤەرێی سەرەدانا شاندێ حوکمەتا هەرێما کوردستانێ یە بۆ ب دوماهی ئینانا ناکۆکیێن دەربارەی ریفراندۆمێ و دەروازەیان.
پەیڤدارێ نڤێسینگەها عەبادی دیارکر ژی:سەرەدانا شاندێ هەرێما کوردستانێ دێ کێشەیێن هنارتنا مووچەی چارەسەر کەت.
