عەبادی وێرەکیا چاکسازیێ نینە
ئەڤرۆ نيوز:
وەزیرەکێ بەرێ ل عیراقێ راگەھاند، سەرۆک وەزیرێن عیراقێ وێرەکی و ئازایەتیا ئەنجامدانا چاکسازیێ تێدا نینە کو خەلکێ عیراقێ داخواز دکەت.
موفید جەزائیری وەزیرێ رەوشەنبیری یێ بەرێ ل عیراقێ و ئێک ژ سەرکردێن حزبا شیوعی یا عیراقی گوت” ھەکە ناکۆکیێن سیاسی د ناڤبەرا لیستێن جودا دا نەھێنە چارەکرن و دبێ ئەنجام بن، بارودۆخێ عیراقێ دێ ئالۆز مینیت و مەترسیێن زێدەتر دێ د دووڤدا ھێن”.
موفید جەزائیری زێدەتر بۆ سومەریە نیۆز گوت” ھەر ئەو لیستێن سیاسی بوون یێن کو عیراق گەھاندیە ڤی بارودۆخێ نوکە و ناخوازن ژی دەستبەرداری وی شێوازێ کارکرنا مەترسیدار بن”.
خویاکر ژی” نیازێن سەرۆک وەزیرێن عیراقێ حەیدەر عەبادی دباشن و کەس نەشێت رەخنێ ل وێ چەندێ بگریت کو ئەو دخوازیت چاکسازیێ بکەت و داخوازیێن خەلکی و مەرجەعیەتا ئایینی بجھبینیت، بەلێ عەبادی ئەو نینە یێ کو مەرجەعیەتا ئایینی یا شیعی ب وێرەکیێ و ئازاتیێ ناڤ دکەت، ددەمەکی دا عەبادی پێدڤی ب وێ وێرەکیێ و ئازاتیێ یە ژبۆ وێ چەندێ ب ئەرکێ گران وئالۆز یێ چاکسازیێ راببیت”.
جەزائری ب پێدڤی زانی پشتەڤانی ل حەیدەر عەبادی بھێتە کرن و بھێتە ھاندان ژی بۆ بەردەوامی دانێ ب ئەنجامدانا پرۆسا چاکسازیێ و بجھئینانا داخوازیێن گەلێ عیراقێ و چاکسازیێ د ھەموو بواران دا بکەت.
پشتی دەستپێکرنا خوەنیشادانێن جەماوەری ل عیراقێ ل ٧ ێ تەباخا ٢٠١٥ ێ، مەرجەعیەتا ئایینی یا شیعی داخواز ژ سەرۆک وەزیرێن عیراقێ حەیدەر عەبادی کر زێدەتر وێرەکیێ و ئازاتیێ د پێنگاڤێن خوەدا بکاربینیت بۆ ئەنجامدانا پرۆسا چاکسازیێ و ب دەستەکێ ئاسنی ل وان بدەت یێن مال و مولکێ خەلکی بۆ خوە دبەن، د ئەنجامدا عەبادی چەندین پێنگاڤ د وی بواری دا ھاڤێتن وەکو لادانا ھەر سێ جێگرێن سەرۆکێ کۆماری (ئەیاد عەلاوی، نوری مالکی و ئوسامە نوجێفی) و لادانا ھەر سێ جێگرێن سەرۆک وەزیران ( رۆژ نوری شاویش، سالح موتلەگ و بەھا ئەعرەجی) و کێمکرنا وەزارەتێن حوکمەتا خوە ژ ٣٣ وەزارەتان بۆ ٢٢ وەزارەتان و ڤەکێشانا چەندین فەوجێن زێرەڤانیێ ژ ھەرسێ جێگرێن سەرۆک کۆماری و ھەرسێ جێگرێن سەرۆک وەزیران
