عەبادی یێ گەھشتیە وێ باوەریێ دڤێت ل گەل ھەرێمێ رێککەڤیت
ئەڤرۆ نيوز:
عەرەفات کەرەم ئەندامێ پەرلەمانێ عیراقێ ل سەر فراکسیونا پارتی دیموکراتی کوردستان سەبارەت رێککەفتنا د ناڤبەرا بەغدا و ھەولێرێ دیارکر، ئەگەر ئیرادە ھەبیت، دێ رێککەفتن ھێتە بجھئینان چونکە سەرۆک وەزیرێن عیراقێ د وێ باوەرێ دایە بۆ سەلماندنا حکومەتا خوە، ئەو پێدڤی ب رێککەفتنێ یە ل گەل ھەرێمێ و مالکی یێ بزاڤا ژ ناڤچوونا وێ حکومەتێ ددەت.
عەرەفات کەرەم دیارکر کو د ناڤ پرۆژە قانوونا بودجێ دا بەحسێ رێککەفتنا ناڤبەرا بەغدا و ھەولێرێ ھاتیە کرن و سەرەدانا سەرۆک بارزانی ژی بۆ بەغدا دێ کارتێکرنەکا باش ھەبیت بۆ بجھئینانا وێ رێککەفتنێ و گۆت” رێککەفتنا سەرۆک وەزیرێن عیراقێ سەبارەت شەرێ مووسل ل گەل سەرۆک بارزانی، سەرکەفتنەکا مەزن بۆ سەرۆک وەزیرێن عیراقێ و شکەستنەکا مەزنە بۆ مالکی و لایەنگرێن وی کە نەشیان شکەستنێ ب حوکمەتێ بینن”.