عەبدولحەکیم خەسرۆ: ھندەک لایەن ب پیلانێن بەغدا ل ھەرێما کوردستانێ کاردکەن
ئەڤرۆ نیوز:
بسپۆرەکێ زانستێن سیاسی ئاماژە ب رەوشا نوکەیا ھەرێما کوردستانێ و خوە ڤەکێشانا ھندەک لایەنێن سیاسی ل حوکمەتێ کرو راگەھاند” ئەف لایەنێن خوە ڤەدکێشیت ژ حوکمەتێ رەڤینە ل بەرپرسیاریەتیێ و دبێژیت، ھندەک لایەنێن ھەرێما کوردستانێ ب پیلانا بەغدا کاردکەت بۆ دژایەتیکرنا ھەرێما کوردستانێ، بتایبەتی دڤێ رەوشێ دا گۆھڕینێن بەرچاڤ دێ ھێنەکرن ل رۆژھەلاتا ناڤین.
دکتۆر عەبدولحەکیم خەسرۆ، بسپۆرێ زانستێن سیاسی بۆ رۆژناما ئەڤرۆ گۆت” ئەگەر ھندەک لایەنێن سیاسی خوە ژ حوکمەتێ ڤەکێشنژی دێ حوکمەت ھەر یا بەردەوامبیت لسەر کارێ خوە و حوکمەت ناھێتە ھەلوەشاندن، چونکە ئەڤە پیلانەکا دارشتیە لسەر ئاستێ عێراقێ نەک تنێ سەر ئاستێ ھەرێما کوردستانێ، گۆھۆڕنێن رۆژھەلاتا ناڤین زۆر کۆربووینە و کورد نێزیکبوویە لسەرکەفتنێ، ھەروەسا دناڤا لایەنێن سیاسی سەرکردێن عەقلانی نەماینە و لێکڤەبوون ھەیە، ئەڤەژی بۆیە ئەگەر بڕیارێن حزبێن سیاسی د بەرژەوەندیا نەیارێن ھەرێما کوردستانێ دا بن، ھەکە ھندەک لایەن خوە ژ حوکمەتا ھەرێمێ ڤەکێشن ئەڤە درێژەدانە ب ئەڤێ سیاسەتا ل رۆژ 19 تەباخا سالا بۆری ئەنجامدای، ھەکە ئەڤە بھێتەکرن دێ بەردەوامبن لسەر سیاسیەتا خوە، دیارە ھندەک لایەنێن سیاسی ل ھەرێما کوردستانێ چو زانیاریی لدۆر گۆھۆڕینێن دھێنەکرن ل دەڤەرێ نینە، ژبەر کو پێشبینی دھێتەکرن نێزیکی دەھە شەڕ دێ ل رۆژھەلاتا ناڤین چێبن و کورد دێ پشکداری پتریا وان شەڕا بکەن، گەفێن زۆر مەزن لسەر کوردان ھەنە، مخابن ژبەر ئەڤێ سیاسەتا کو خەلکێ عاقل دناڤا لایەنێن سیاسی بڕیار ددەستی دا نەمایە، ب دیتنامن ھەکە بڕیارا خوە ڤەکێشانی بدەن ئەڤە چو پێشبینیا ناکەن بۆڤێ رەوشێ.
ئەڤی بسپۆرێ زانستێن سیاسی دیارکر، ب ڤەکێشانا وان لایەنێن سیاسی ل حوکمەتێ پارتی چو زیان ڤێناکەڤن و کاریگەری لسەر پارتی نابن، ئەڤان لایەنا دەمەکە رەڤینە ژ بەرپرسیاریەتیێ بتایبەتی ئێکەتی نیشتیمانی کوردستان، کو بگەھیتە ئاستەکی نانێ خەلکی ببڕن، ئەڤە ددەمەکیدایە پارتی یا بزاڤان دکەت بەرھەمێ پتڕۆلا ھەرێمی زێدەبکەت بۆ دانا موچێن فەرمانبەرا د ئەڤی دەمیدا ئێکەتیێ نان و موچێ خەلکێ کوردستانێ قوتکر ل بەغدا، ئەڤە بڕیارا لایەنێن سیاسی ژ نینە، بەلکۆ بڕیارا ئەڤی خەلکیە ئەڤێ دەستێ وان دچیت و بڕیار ددەستی دایە دناڤ حزبێن سیاسی دا.
دکتۆر عەبدولحەکیم خەسرۆ گۆتژی” خەلکێ عاقل و زانا دناڤ ھەرێما کوردستانێ دا مایە، بەلێ مخابن چو بڕیار ددەستی دا نینە، ئەڤا ل ھەرێما کوردستانێ دژی حوکمەتی َدھێتەکرن ھەمان پیلانە ل بەغدا ھەمبەر ھەرێما کوردستانێ دھێتەکرن و ھندەک لایەن ب پیلانا بەغدا ل ھەرێمی کار دکەن، خەلکێ بەرژەوەند خواز یێ بڕیارا ددەت دژی ھەرێما کوردستانێ، ھەتا ئەف گەفێن حەشدا شەعبی لھەرێما کوردستانێ دکەت کو دڤێت کەرکووک و خورماتوو خانەقین نەڤەگەرن سەر ھەرێما کوردستانێ و پێشمەرگە تێدا نەمینیت ئەڤە گەفە بۆسەر ھەرێما کوردستانێ نەک لایەنەکی ب تنێ”.
