عەرەبێن ھاوردە دێ ڤەگەڕنە جھێن خوە یێن رەسەن
ئه‌ڤرۆ نيوز:
رێڤەبەرێ بەرێ یێ رەگەزناما بارێ شارستانی ل پارێزگەھا نەینەوا دیار کر کو پشتی ماندووبوونەکا مەزن کو ئەڤە بۆ دەمێ چار ھەیڤانە کار دکەن بۆ دووبارە ڤەگەڕاندنا وان عەرەبێن ل سالێن 1970 ل جھێن کوردان ل سنوورێ ماددێ 140 ھاتینە دانان و گۆت: “نوکە رازەمەندی ھاتیەدان کو دووبارە ئەو عەرەب ڤەگەڕنە سەر جھێن خوە یێن بەرێ”.
عەمید حەبەش عبدالفتاح، رێڤەبەرێ بەرێ یێ رەگەزناما بارێ شارستانی ل پارێزگەھا نەینەوا بۆ رۆژناما ئەڤرۆ دیار کر کو ئەو عەرەبێن ژ جەزیرە و تلکێف و گەیارە و شرگات بۆ دەڤەرێن مادێ 140 ھاتینە ڤەگوھاستن و ل دەڤەرێن (شێخان، سێمێل، مەخمور، گوێر) ھاتینە بنەجھکرن، نوکە رازەمەندی ھاتیەدان کو دووبارە ئەو عەرەب ڤەگەڕنە سەر جھێن خوە یێن بەرێ و گۆت: “ئەو رەگەزنامێن بۆ وان ھاتینە دروستکرن و ناڤێن گۆند و دەڤەرێن کوردان ل سەر جارەکا دی دێ ھێنە ھەلوەشاندن و جھێ وان یێ رەسەن دێ ل سەر رەگەزنامێن وان ھێتە دیارکرن”.