فازل ميرانى: پارتی حزبا دەولەتێ یە نەیا نەته‌وەکی ب تنێ یە
ئه‌ڤرۆ نيوز:
سکرتێرێ مەتکەبا سیاسی یا پارتی دیموکراتی کوردستان، دچارچۆڤێ کەمپینا ھەلبژارتنان دا راگەھاند، پارتی نەبا نوکە حوکمەتا عیراقێ و میلیشیاتێن شیعان دا کوردستانێ داگیر کەن، ئاماژەدا ھندێ ئەو پێشکەفتنا ئەڤرۆ ل کوردستانێ ھەی بۆ سیاسەت و بەرنامێ پارتی ڤەدگەریت.
ل باژێرکێ شەقلاوە و دچارچۆڤێ کەمپینا ھەبلژارتنێن ھەرێما کوردستانێ، سکرتێرێ مەکتەبا سیاسی یا پارتی فازل میرانی بۆ کادر و لاینگرێن پارتی گۆت: سۆزێن پارتی بۆ خزمەتگۆزاری، ھندەک ھاتینە بجھئینان و ھندەک ژی ماینە و ھاتینە راگرتن، سەدەما وێ بۆ قەریرانا دارایی ڤەدگەریتن.
فازل میرانی ھەروەسا گۆت: ھندەک ئالیێن حزبی دبێژن جادە و زانکۆیان دێ بۆ ھەوە دروست کەین، ددەمەکی دا پارتی ئەو کار ھەموو ئەنجامداینە و رابۆریا خزمەتگۆزاری ب رێیا حوکمەتێ مەزنترین بەلگەیە ل سەر وێ راستیێ.
نموونەک ژی ب ئاخفتنا نەوشێروان ئینایە، دەمی گۆتی: ھولێر گوندەکێ مەزنە، بەلام نوکە ھەموو کەس دبینن ھەولێر چ پێشکەفتنەکا مەزن ب خوەڤە دیتیە.
میرانی سەبارەت بجھئینانا ھندەک پرۆژێن ھاتینە بجھئینان ژی روونکر، ھەر کارەکێ سێ پرانسیبە ھەنە، وەک ھزر و شیان و میکانیزما کاری، ھەکە ھزر ھەبوو دڤێت شیان بھێنە دابینکرن، ئەو ل گەل میکانیزمەکا گونجایی بھێتە بکارئینان، د ھندەک پرۆژان دا ھزر ھەبوویە، بەلێ شیان نەبووینە، ئەو ژی ب سەدەما قەیرانا دارایی بوویە.
ھەروەسا روناھی بەردا سەر سیاسەتا پارتی دبیاڤێ پێکھاتە وپێکڤەژیانێ و فرەرەنگیا ھەرێما کوردستانێ، ب نموونە کو ئێکەم ئالی پارتی بوویە ئێزدیەک کریە دادوەر و ئافرەتک کریە دادوەر، و گۆت: ئەو ئەمین پێنگاڤان بۆ پێکڤەژیانێ و پێشکەفتنێ دخوازین، پارتی دیموکراتی کوردستان، ئانکو حزبا دەولەتێ نەک بتنێ یا نەتەوەکی یە.
دیسا داکوکی ل سەر پاراستنا ھەرێما کوردستانێ کر، کو ل سەر ملێن پارتی دیموکراتی کوردستانێ یە و گۆت: مە کوردستان یا پاراستی، سحێلا و پردێ شاھد و دیدەڤانن، کو ب شەھیدبوونا چەندین کوڕێن مە بەرەڤانی ل ئاخا پیرۆزا کوردستانێ ھاتیە کرن، و لوان دەڤەران حوکمەتا عیراقێ بازدا و رەڤین، ھەکە ئەم نەباین کوردستان نوکە دا ل ژێر دەستێ حوکمەتا عیراقێ بیت، و داحوکمی ل دھوک و ھەولێرێ و سلێمانیێ کەت.
ل دۆر وان ھێرشێن د ھەوا ھەلبژارتنان دا دھێنە سەر پارتی، فازل میرانی دبێژیت، ئەم خودانێن کوردستانێ ینە، بەلێ نەک بتنێ وەک ھندەک خەلک دبێژن، نوکە ئەم ھەموو خودانێن کوردستانێ ینە، ب ھەموو ھێزێن سیاسی ڤە، بەلێ ئەم دبێژین ئەم خودانین، چونکی مە ئەو وەلات پاراستیە، خەکەلک دەمێ دبێژیت بلا پارتی بچووک ببیت، نابیت ئەم خوە لێ بێدەنگ بکەین، ئەم بوێ چەندێ ھاتینە نیاسین مە بەرەڤانی ژ کوردستانێ کرینە، ئەوێن دبێژن مە کوردستان یا پاراستی ئەو بوون یێ کوردستان دایە خەلکەکێ دیتر.
سکرتێرێ مەکتەبا سیاسی یا پارتی ھەڤدەم گۆت: بەلێ مە جارەکێ 31 ئاب ئەو کار کریە، بەلێ ئەوان 50 جاران 31 ئاب ئەنجامدایە، ھەکە ئەم دوور نەچین، 31 ئاب ل سالا 1996 بوو، بەلێ 16 ئۆکتۆبەرێ کەنگی بوو، دا بێژمە ھەوە ل 31 ئالب مە ھولێر ل ژێر دەستێ ئێکەتیێ ئینایە دەر و رزگار کر، ھەولێر نوکە یا مایی ددەستێن کوردستانێ دا و یا مە وانایە، ئەم لڤێرە دپرسین ئەوان کەرکووک رادەستێ کێ کریە؟ و نوکە یا ددەستێن حەشدا شەعبی دا ویا ھێزێن عیراقێ یە، نوکە ئەم و ئو ھەردو ژێ بێ بەھر بووینە، خەلکێ کەرکووکێ ژی ژێ بێ بەھر بووینە، لەورا بلا دەڤێ خوە بگرن و ئێدی چ گۆتنا ل سەر پارتی نەکەن.
