فازل ميرانى: پۆستێ سه‌رۆك كۆمارى دێ د به‌رژه‌وه‌ندا پارتى دا ئێكلا بيت
ئه‌ڤرۆ نيوز:
سكرتێرێ مه‌كته‌با سياسى يا پارتى ئاشكه‌را كر كو ئاماژه بۆ وێ چه‌ندێ دچن كو پۆستێ سه‌رۆك كۆمارێ عيراقێ دێ د به‌رژه‌وه‌ندا پارتى دا ئێكلا بيت.
فازل ميرانى، سكرتێرێ مه‌كته‌با سياسى يا پارتى ديموكراتى كوردستان راگه‌هاند كو شاندێ پارتى ب سه‌رۆكاتيا كه‌ريم شنگالى، ئه‌ندامێ مه‌كته‌با سياسى يا پارتى هاتيه راسپاردن ل گه‌ل لايه‌نان د ده‌رباره‌يى پۆستێ سه‌رۆك كۆمارێ عيراقێ دا دانوستاندنێ بكه‌ن.
گۆتژى: “ئاماژه ب وى ئاراسته‌يى دا دچن، كو پۆستێ سه‌رۆك كۆمارێ عيراقێ د به‌رژه‌وه‌نديا پارتى ديموكراتى كوردستان دا ئێكلا ببيت”.
ئه‌ڤه د ده‌مه‌كى دايه كو ژماره‌كا به‌ربژارێن كورد بۆ پۆستێ سه‌رۆك كۆمارێ عيراقێ هه‌نه، د ناڤ دا ژى فوئاد حسێن ژ لايێ پارتى ديموكراتى كوردستان هاتيه به‌ربژاركرن و د چه‌ند رۆژێن بۆرى دا ل گه‌ل ژماره‌ك ژ سه‌ركرده و لايه‌نێن عيراقى ل به‌غدا كۆمبووينه، ب گۆره‌يى پێزانينان به‌ختێ وى ژ هه‌موو كانديدان زێده‌تره دا كو ببيته سه‌رۆك كۆمارێ عيراقێ.
