فازل ميرانێ هه‌لويستێ پارتى ل دۆر خۆنيشاندانان راگه‌هاند
ئه‌ڤرۆ نيوز:
سكرتێرێ مه‌كته‌با سياسى يا پارتى ديموكراتى كوردستان هه‌لويستێ فه‌رميێ حزبا خوه ل دۆر خۆنيشاندانێن وه‌لاتێن كوردستانێ ئاشكه‌را كر.
ئه‌ڤرۆ رۆژا ئێكشه‌مبى رێكه‌فتى 25ى ئيلۆنا 2016ێ فازل ميرانى، سكرتێرێ مه‌كته‌با سياسى يا پارتى ديموكراتى كوردستان د كۆنگره‌كێ رۆژنامه‌ڤانى دا راگه‌هاند كو جڤاتا وه‌زيران داخوازا كۆمبوونێ ژ لايه‌نێن پشكدارێن حوكمه‌تێ كريه هه‌تا ب روونن و چاره‌كێ بۆ قه‌يرانێ ڤه‌بينن، “به‌لێ زانين بۆچى لايه‌نێن سياسى ئه‌و پشكدارى ره‌تكر”.
سكرتێرێ مه‌كته‌با سياسى يا پارتى ديموكراتى كوردستان ئاشكه‌را ژى كر كو پارتى ل گه‌ل خۆنيشاندانێن ئاشتيانه‌يێن خه‌لكێ كوردستانێ يه، “پارتى يا ل گه‌ل خواستا جه‌ماوه‌رى”.
فازل ميرانى ئاماژه دا وێ چه‌ندێ ژى كو پێدڤى ناكه‌ت حزبێن سياسى خۆنيشاندانێن وه‌لاتيێن كوردستانێ و فه‌رمانبه‌ران ل دژى ئێكدو ب كار بينن و بۆ خوه بكه‌نه ده‌ستكه‌فت.
هه‌ر چه‌نده بزاڤا گۆڕان و كۆمه‌لا ئيسلامى و ئێكگرتوو ئيسلامى كوردستان د پشكدارن د حوكمه‌تێ دا به‌لێ ره‌تكريه كو گه‌نگه‌شێ ل سه‌ر چاره‌كرنا كێشان بكه‌ن و ئێكه‌تيێ ژى هێشتا هه‌لويستێ خوه ديار نه‌كريه.