فازل میرانى بۆ به‌غدا: ژ مه بپرسن بۆچى مه دڤێت جودابین ؟
ئه‌ڤرۆ نیوز:
فازل میرانى سكرتێرێ مه‌كته‌با سیاسى یا پارتى دیموكراتى كوردستان د كۆنفرانسه‌كێ رۆژنامه‌ڤانى دا سه‌باره‌ت پرسا ریفراندومێ ل باشوورێ كوردستانێ و چاوانیا قه‌بولكرنا وێ پرسێ ژ ئالیێ به‌غداڤه، راگه‌هاند” ئه‌رێ بۆچى به‌غدا رۆژه‌كێ پرسیاره‌كا خوه ژ مه ناكه‌ت، بۆچى ئه‌م دێ جودابین.
سه‌باره‌ت قه‌یرانا داراییا هه‌رێمێ، میرانى گۆت” قه‌یرانا دارایى نه ژ ئه‌نجامێ نه‌بوونا په‌رله‌مانى بوویه، به‌لكو پرسه‌كا دارایى یا نێڤده‌وله‌تى یه و هه‌موو ده‌ڤه‌ر یێ ڤه‌گرتى”.
سه‌باره‌ت رێككه‌فتنا د ناڤبه‌را ئێكه‌تى و گۆڕان، میرانى گۆت” ئه‌و وه‌ختێ ئه‌و ئێك بوون، هه‌ر گازنده و ره‌خنه هه‌بوون، ئه‌و ده‌مێ گۆڕان جودابوو، دگوتن دێ گوهۆرین، مه دڤێت بزانین چ گوهۆرى، نابیت تو د وێ باوه‌رێ دابى كو تو یێ شه‌فافى و ئه‌ز نه‌یێ شه‌فاف، چونكه ئه‌م هه‌موو پێكڤه بووین و ژ باشى و خرابیێن ڤێ ئه‌زموونێ د به‌رپرسین”.