فازل میرانی: ئه‌وێن باسێ سه‌خته‌كارییان دكه‌ن پتر ژ پارتی مفادار بووینه
ئه‌ڤرۆ:
سكرتێرێ مه‌كته‌با سیاسی یا پارتی دیمۆكراتی كوردستان راگه‌هاند، هنده‌ك لایه‌ن باسێ وێ چه‌ندێ دكه‌ن، د هه‌لبژارتنێن بوری دا پارتی سه‌خته‌كاری كرینه، لێ ئه‌و لایه‌ن پتر ژ پارتی مفادار بووینه و پۆستێ سه‌رۆكا په‌رله‌مانی و جێگرێ سه‌رۆك وه‌زیران وه‌رگرتینه.
فازل میرانی، گۆت ژی، ئه‌وێن دبێژن ئالیێن دیتر سه‌خته‌كاریێ دكه‌ن د ناڤه‌رۆكێ دا وه‌سا نینه، به‌لكو ئه‌ڤه كۆمبوونا پرانییا خه‌لكێ یه ل ده‌وروبه‌رێن پارتی.
ئاشكرا ژی كر كو د هه‌لبژارتنه‌كێ دا ئێك ژ هه‌ڤپشكێن مه كێمترین كورسی ئینابوون، مه پۆستێ سه‌رۆك وه‌زیران دایێ، ئانكو ئه‌وا ئه‌و دبێژن سه‌خته‌كارییه، ئه‌م دبێژین نه‌خێر، به‌لكو پرانییا خه‌لكێ ل ده‌وروبه‌رێن پارتی كۆمبووینه و ده‌نگی دده‌نه پارتی.
