فازل میرانی – پێدڤی یە بزاڤێ بکەین بۆ نەھێلانا ناکوکیان
ئەڤرو نیوز:
فازل میرانی سکرتێرێ مەکتەبا سیاسی یا پارتی دیموکراتی کوردستان د چارچوڤێ پشکداریکرن د بەھیا “نەوشێروان موستەفا “رێکخەرێ گشتیێ وەغەرکیێ تەڤگەرا گۆڕان ل ھەولێرێ دیارکر کو پێدڤی یە ئەم ھەموو ژ دەست دانا نەوشێروان بکەینە دەستپێکەک بۆ نەھێلانانا ناکوکیان دناڤبەرا خوە دا.
فازل میرانی زێدەتر گۆت: (بناڤێ خوە و سکرتاریەتا پارتی دیموکراتی کوردستان سەرەخوشیێ ل کەس و کارێن نەوشێروان و جڤاتا نیشتمانیا گۆڕان و لایەنگیرێن گۆڕان دکەین ، خودێ جھێ وی بکەت بحەشت ، و ھیڤیە کو ئەم ھەموو پێداچوونەکێ د ھزر و بیرێن خوە دا بکەین و مرن رێیەکا راستە و ھەموو دێ تامکەینێ ، یا گرنگ ئەوە کو ئەم ئێدی وەغەرکرنا نەوشێروان بکەینە دەرگەھەک بۆ نەھێلانانا ئەوان ناکویێن کو کەفتینە دنابڤەرا مە دا)
سکرتێرێ مەکتەبا سیاسی یا پارتی دیموکراتی کوردستان درێژاھیا ئاخفتنێن خودا دیارکر ژی کو مانەڤا نەوشێروان موستەفا زۆر گرنگ بو ، دقوناغا نھادا و گۆت ژی: (نەوشێروان ھەڤالەک دلسووز بۆ و ژ نێزیک مە ھەڤدوو نیاسیە و ئەو کەساتیەکێ رەوشەنبیر و دیروکڤان و شورشگێربوویە و نابیت بناڤێ وی گوتن بھێنە بەلاڤکرن)
دھێتە زانین کو رۆژا ١٩/٥/٢٠١٧ نوچەیێ وەغەرکرنا نەوشێروان موستەفا لسەر زارێ شورەش حاجی ئاخفتنکەرێ گۆڕانێ لسەر کەنالێ فەرمیێ گۆڕان ھاتە بەلاڤکرن.
