فازل میرانی پێشوازیێ ل قونسۆلا نوو یێ بریتانیا ل هەولێرێ دكەت
ئەڤرۆ
دوهی سێشەمبی 21/2/2023 فازل میرانی بەرپرسێ دەستەیا كارگێری یا مەكتەبا سیاسی یا پارتی دیموكراتی كوردستان پێشوازی ل ڕۆز كەیڤ، قونسۆلا گشتی یێ نوو یێ بریتانیا ل هەولێرێ و شاندێ دگەلدا كر.
د كۆمبوونەكێ دا فازل میرانی پیرۆزباهی ل ڕۆز كەیڤ كر ب هەلكەفتا دەستبكاربوونا وێ ب ئومێدا كو بشێت ڕۆلێ خوە د هێزكرنا پەیوەندیێن بریتانیا و هەرێما كوردستانێ دا ببینیت هەروەسا بەرهەڤیا پارتی دیموكراتی كوردستان دیاركر بۆ هەر جۆرە هاریكاریەكێ.
دووماهی پێشهاتێن سیاسی و ئابۆری ل هەرێما كوردستانێ و ئیراقێ و پەیوەندیێن د ناڤبەرا بەغدا و هەرێما كوردستانێ دا و پرسا هەلبژارتنێن پەرلەمانێ كوردستانێ و پەیوەندیێن هەرێما كوردستانێ و بریتانیا تەوەرەكێ دی یێ دیدارێ بوون.
ژ ئالیێ خوەڤە ڕۆز كەیڤ خوەشحالیا دیاركر بۆ كاركرنێ ل هەرێما كوردستانێ و ئاماژەكر كو ئارامی و سەقامگیریا هەرێما كوردستانێ و ئیراقێ بۆمە گەلەك یا گرنگە.
