فازڵ میرانى و بالیۆزێ ئیرانێ گه‌هشتنه باوه‌ریا له‌زنه‌كرنێ دپێكئینانا حوكمه‌تێ دا
ئه‌ڤرۆنیوز:
ئه‌ڤرۆ پێنج شه‌مبى 24/5/2018 ل به‌غدا شاندێ پارتى ب سه‌رۆكاتیا فازل میرانی ل گه‌ل ئیره‌ج مه‌سجدى بالیۆزێ ئیرانێ ل عیراقێ كۆمبوو.
فازل میرانى سه‌رۆكێ شاندێ پارتى دكۆنگره‌ێ رۆژنامه‌ڤانى دا پشتى كۆمبوونێ راگه‌هاند، مه په‌یوه‌ندیه‌كا دۆستانه ل گه‌ل ئیرانێ یا هه‌ى ول گه‌ل وى وه‌لاتى هه‌ڤكارێن هه‌ڤدو بووینه، ئیران رۆله‌كێ گرنگ ل ده‌ڤه‌رێ دبینیت وخوه‌شبه‌ختانه خالێن هه‌ڤپشك وبۆچوونێن مه دپرسان دا ئێكجار دزۆر بوون، ئه‌م هه‌ردو لایه‌ن گه‌هشتینه وێ باوه‌ریێ كو نابیت له‌زێ بكه‌ین دقۆناغا نوكه یا عیراقێ پشتى هه‌لبژارتنان، به‌لكو دانوستاندنه‌كا به‌رده‌وام هه‌بیت باشه، چ ل ڤێرێ بیت وچ ل هه‌ولێرێ، یان جهێن دى ژبۆ وێ چه‌ندێ بشێن بریارێن سه‌ركه‌فتى بده‌ین بۆ خزمه‌تا عیراقێ وهه‌رێمێ وئاشتیێ ل ده‌ڤه‌رێ.
هه‌ر دوى كۆنگرێ رۆژنامه‌ڤانى دا، ئیره‌ج مه‌سجدى بالیۆزێ ئیرانێ ل عیراقێ گۆت” مه وه‌كو كۆمارا ئیسلامى یا ئیرانێ په‌یوه‌ندى وهه‌ماهه‌نگیه‌كا باش ل گه‌ل هه‌رێما كوردستانێ یا هه‌ى ودكۆمبوونا مه‌دا ل گه‌ل شاندێ بلندێ پارتى مه هیڤى خواست حوكمه‌تا داهاتى یا عیراقێ یا ب هیز بیت ومه دیاركر كو جارێ زوویه به‌حسێ پێكئینانا حوكمه‌تا نوو یا عیراقێ بهێته كرن.
