فالح فەیاز سێ پۆستان وه‌ردگريت
ئه‌ڤرۆنيوز:
دادگه‌ها كارگێرى ل عيراقێ ئه‌ڤرۆ دوشه‌مبى 17/12/2018 برياره‌ك ل دۆر هه‌لوه‌شاندنا برياره‌كا سه‌رۆك وه‌زيرێن به‌رێ يێ عيراقێ حه‌يده‌ر عه‌بادى ده‌ركر ول دووڤ وێ بريارێ فالح فه‌ياز بۆ پۆستێن خوه يێن به‌رێ هاته زڤراندن.
دادگه‌ها كارگێرى يا عيراقى برياره‌كا حه‌يده‌ر عه‌بادى سه‌رۆك وه‌زيرێن به‌رێ يێ عيراقێ ره‌تكر كو ل دژى فالح فه‌ياز سه‌رۆكێ ده‌سته‌يا حه‌شدا شه‌عبى ده‌ركربوو.
دادگه‌ها ناڤبرى دبرياره‌كا دادوه‌رى دا راگه‌هاند كو بريارا عه‌بادى يا ل دۆر لادانا فالح فه‌ياز ژپۆستێ سه‌رۆكاتيا ده‌سته‌يا حه‌شدا شه‌عبى برياره‌كا هه‌لوه‌شيايه.
نڤيسينگه‌ها فالح فه‌ياز كوپيه‌كا بريارا دادگه‌هێ به‌لاڤكر وتێدا دياردبيت كو فالح فه‌ياز هه‌رسێ پۆستێن خوه يێن به‌رێ وه‌رگرتن ئه‌وژى سه‌رۆكاتيا ده‌سته‌يا حه‌شدا شه‌عبى وشيره‌تكارێ ئاسايشا نيشتمانى يا عيراقێ وسه‌رۆكێ ده‌زگه‌هێ ئاسايشا نيشتمانى.