فره‌نسا ئه‌و كچا ژنا بۆ نيكاحێ دهنێريته ناڤ داعش هاته ده‌سته‌سه‌ركرن
ئه‌ڤرۆ نيوز:
پۆليسێن فره‌نسا، ئه‌و كچه ده‌سته‌سه‌ركر ئه‌وان ژنێن فره‌نسى رازى دكه‌ت په‌يوه‌نديێ ب داعش بكه‌ن دا هه‌ڤژينيێ ل گه‌ل پێكبينن و بۆ نيكاحێ شوو ب تيرۆرستێن داعش بكه‌ن.
پشتى بوويه رێكخه‌را داعش بۆ په‌يداكرنا ئه‌وان ئافره‌تێن حه‌زا شووكرن بۆ نيكاحێ هه‌يى ل گه‌ل چه‌كدارێن داعش و چوونا وان بۆ عيراق و سوريا، پۆليسێن فره‌نسى شيان وێ كچێ ده‌سته‌سه‌ر بكه‌ن كو ناڤێ وێ مايفايه و ژيێ وێ ب تنێ 21 سالن.
مايفا يا به‌رنياس ب ئوم زه‌هرا ژ بهارا سالا بۆرى په‌يوه‌ندى ب داعش كريه و چوويه سوريا وه‌كو مالپه‌رێ كه‌نالێ ئار تى ئێل ئاماژه پێكرى، خالا په‌يوه‌نديێ د ناڤبه‌را داعش و ئه‌وان ژنان دا بوويه كو د ئاماده‌بوون بۆ نيكاحێ شوو ب چه‌كدارێن داعش بكه‌ن ل فره‌نسا.
ب گۆره‌يى هه‌مان ژێده‌ر ئه‌و كچا فره‌نسى ب چاڤێن خوه ديمه‌نێن سه‌ربڕينا داعش ديتينه و پاشان پۆليسێن فره‌نسى ئاگه‌هداركرينه كو ئه‌و يا په‌شيمانه و دڤێت بۆ فره‌نسا ڤه‌گه‌ريت، هه‌ر ژ به‌ر هندێ ل ده‌مێ ڤه‌گه‌ريان و هاتنه خوارێ ژ فرۆكێ ژ لايێ پۆليسان ڤه هاتيه ده‌سته‌سه‌ركرن.
